ટાટા ગ્રુપના ચેરમેન દ્વારા કેવી મહત્વની જાહેરાત થઈ ? વાંચો
દેશમાં અત્યારે નોકરીઓની ઘણી જરૂર છે અને ટાટા કંપની આ દિશામાં મહત્વનું કામ કરવા જઈ રહી છે. આગામી પાંચ વર્ષમાં સેમિકન્ડક્ટર, ઇલેક્ટ્રિક વાહન, બેટરી અને અન્ય સંબંધિત ઉદ્યોગો જેવા ક્ષેત્રોમાં 5 લાખ ઉત્પાદન નોકરીઓનું સર્જન કરશે. ટાટા ગ્રુપના ચેરમેન એન ચંદ્રશેખરન દ્વારા મંગળવારે આ જાહેરાત કરાઇ હતી.
ઇન્ડિયન ફાઉન્ડેશન ફોર ક્વોલિટી મેનેજમેન્ટના એક સિમ્પોઝિયમમાં બોલતા, ટાટા સન્સના ચેરમેને જણાવ્યું હતું કે જો દેશ મેન્યુફેક્ચરિંગ જોબ્સનું સર્જન ન કરી શકે તો ભારત વિકસિત રાષ્ટ્ર બનવાના લક્ષ્યો હાંસલ કરી શકશે નહીં. દેશમાં લાખો યુવક અને યુવતીઓને નોકરીની જરૂર છે.
“… સેમિકન્ડક્ટર્સમાં અમારા (ટાટા જૂથના) રોકાણો, ચોકસાઇ ઉત્પાદન, એસેમ્બલી, ઇલેક્ટ્રિક વાહનો, બેટરી અને સંબંધિત ઉદ્યોગોમાં અમારા રોકાણો વચ્ચે, મને લાગે છે કે અમે આગામી પાંચ વર્ષમાં પાંચ લાખ ઉત્પાદન નોકરીઓનું સર્જન કરીશું,” તેમણે કહ્યું.
“અમે બહુવિધ પ્લાન્ટ સ્થાપી રહ્યા છીએ,” તેમણે આસામમાં જૂથના આગામી સેમિકન્ડક્ટર પ્લાન્ટ અને ઇલેક્ટ્રિક વાહનો અને બેટરી માટેના અન્ય નવા ઉત્પાદન એકમોને ટાંકીને કહ્યું હતું કે વિકાસ માટે અમે સક્રિય છીએ
જોકે તેમણે બધી વિગતો આપી ન હતી, ચંદ્રશેખરન જણાવ્યું હતું કે “મૂળભૂત ગણિત” પર આધારિત, આ નોકરીઓ વધુ નોકરીઓનું સર્જન કરશે. ઇકોસિસ્ટમની સ્થાપના થવાની હોવાથી, તેમણે કહ્યું કે આ ઇકોસિસ્ટમમાં ઓછામાં ઓછી 5 લાખ કંપનીઓ – નાની, મધ્યમ કદની કંપનીઓ પણ સ્થાપિત કરવામાં આવશે.
