પ્રોડુનોવા ક્વિન’ દીપા કર્માકરે જાહેર કર્યો સંન્યાસ

પ્રોડુનોવા ક્વિનના નામથી જાણીતી ભારતની દિગ્ગજ જીમ્નાસ્ટ દીપા કર્માકરે રમતમાંથી સંન્યાસ લેવાની જાહેરાત કરી હતી. દીપા ૨૦૧૬ રિયો ઓલિમ્પિકમાં મામૂલી અંતરથી બ્રોન્ઝ મેડલ ચૂકી ગઈ હતી. દીપા વિશ્વમાં પ્રોડુનોવા વોલ્ટ સફળતાપૂર્વક કરનારી અત્યાર સુધીની માત્ર પાંચ જીમ્નાસ્ટ પૈકીની એક છે. ઓલિમ્પિકમાં ભાગ લેનારી ભારતની પહેલી મહિલા જીમ્નાસ્ટ ૩૧ વર્ષીય દીપા રિયો ઓલિમ્પિકની વોલ્ટ સ્પર્ધામાં ચોથા ક્રમે રહી હતી અને માત્ર ૦.૧૫ પોઈન્ટથી બ્રોન્ઝ મેડલ જીતી શકી ન્હોતી. દીપાએ કહ્યું કે ઘણો વિચાર કર્યાબાદ મેં સંન્યાસ લેવાની જાહેરાત કરી છે. આ નિર્ણય મારા માટે કપરો હતો.