ધ્રોલ નજીક ટોલનાકા પાસે કારમાં કોન્ટ્રાક્ટરનો ઝેર પી આપઘાત

ધ્રોલ નજીક સોયલ ટોલનાકા પાસે કોન્ટ્રાક્ટરે કારમાં ઝેરી દવા પી જીવન ટુંકાવી લેતાં ચકચાર મચી જવા પામી છે. જ્યારે તેં મૃતદેહને પીએમ અર્થે ખસેડવામાં આવ્યો છે.વિગતો મુજબ જામખંભાળિયામાં રહેતા રઘુરાજસિંહ કિશોરસિંહ રાઠોડ (ઉ.વ.36) નામના કોન્ટ્રાક્ટરે ગઈકાલ સવારે ધ્રોલ નજીક સોયલ ટોલનાકા પાસે પોતાની કારમાં ઝેરી દવા પી આપઘાત કરી લીધો હતો.બનાવની જાણ ધ્રોલ પોલીસને થતાં તુરંત દોડી યુવકને ધ્રોલ સરકારી હોસ્પિટલમાં ખસેડવામાં આવ્યો હતો. જ્યાં ફરજ પરના તબીબે મૃત જાહેર કર્યા હતા. મૃતકને સંતાનમાં એક પુત્ર છે. આપઘાતનું કારણ જાણવા પોલીસે વધુ તપાસ હાથ ધરી છે.