ICC ટેસ્ટ રેન્કિંગમાં રોહિત-કોહલીને ઝટકો… રિષભ પંત અને જયસ્વાલે લગાવી છલાંગ, જાણો કોનો થયો ટોપ 10માં સમાવેશ  

ભારતીય ટીમનો સ્ટાર વિકેટકીપર બેટ્સમેન ઋષભ પંત ટેસ્ટ ક્રિકેટમાં જોરદાર વાપસી કરવામાં સફળ રહ્યો છે. આનાથી તેને ICC ટેસ્ટ રેન્કિંગમાં પણ ફાયદો થયો છે. તે છઠ્ઠા સ્થાને પહોંચી ગયો છે. તે જ સમયે, ભારતીય ટીમના કેપ્ટન રોહિત શર્મા અને બેટ્સમેન વિરાટ કોહલીને પાંચ-પાંચ સ્થાનનું નુકસાન થયું છે. આ સિવાય અફઘાનિસ્તાનના ઓપનિંગ બેટ્સમેન રહેમાનુલ્લા ગુરબાઝે ODI રેન્કિંગમાં એક મોટું કારનામું કર્યું છે. તે ટોપ 10માં પહોંચનાર પ્રથમ બેટ્સમેન બની ગયો છે.

આ સાથે જ 632 દિવસ બાદ ટેસ્ટ ક્રિકેટમાં વાપસી કરનાર અને સદી ફટકારનાર ઋષભ પંત ટોપ-10 બેટ્સમેનોમાં સામેલ થઈ ગયો છે. અન્ય સેન્ચુરિયન શુભમન ગિલને પણ ફાયદો થયો છે. જાણો ટેસ્ટ રેન્કિંગમાં ટોપ-10 બેટ્સમેન કોણ છે અને ભારતીય બેટ્સમેનોની હાલત શું છે ?

રુટ પ્રથમ સ્થાન ધરાવે છે

બેટ્સમેનોની રેન્કિંગમાં ઈંગ્લેન્ડનો બેટ્સમેન જો રૂટ પ્રથમ સ્થાને છે. તેના ખાતામાં 899 રેટિંગ પોઈન્ટ છે. કેન વિલિયમસન (852) બીજા સ્થાને, ડેરિલ મિશેલ (760) ત્રીજા અને સ્ટીવ સ્મિથ (757) ચોથા સ્થાને છે.

યશસ્વી જયસ્વાલ પાંચમા સ્થાને પહોંચ્યો

ચેન્નાઈ ટેસ્ટની પ્રથમ ઈનિંગમાં બાંગ્લાદેશ સામે 56 રનની ઈનિંગ રમનાર જયસ્વાલને એક સ્થાનનો ફાયદો થયો છે. જયસ્વાલ છઠ્ઠા સ્થાનેથી પાંચમા સ્થાને પહોંચી ગયા છે. તે ભારતનો ટોપ રેન્કિંગ બેટ્સમેન બની ગયો છે.

રિષભ પંત છઠ્ઠા સ્થાને છે

બાંગ્લાદેશ સામે ચેન્નાઈ ટેસ્ટમાં સદી ફટકારનાર રિષભ પંત છઠ્ઠા સ્થાન પર છે. તેના ખાતામાં 731 રેટિંગ પોઈન્ટ છે. તે ભારતના બીજા ટોપ રેન્કિંગ બેટ્સમેન છે.

ખ્વાજા સાતમા સ્થાને, રિઝવાન આઠમા સ્થાને પહોંચ્યો

ઓસ્ટ્રેલિયાનો ઓપનિંગ બેટ્સમેન ઉસ્માન ખ્વાજા સાતમા સ્થાને અને પાકિસ્તાનનો વિકેટકીપર બેટ્સમેન મોહમ્મદ રિઝવાન સાતમા સ્થાને પહોંચી ગયો છે. બંનેને એક-એક સ્થાનનો ફાયદો થયો છે. ઓસ્ટ્રેલિયાનો માર્નસ લાબુશેન પણ સંયુક્ત રીતે આઠમા સ્થાને પહોંચી ગયો છે.

રોહિત શર્મા દસમા સ્થાને સરકી ગયો

ચેન્નાઈ ટેસ્ટમાં નિષ્ફળ ગયેલા રોહિત શર્માએ બેટ્સમેનોની રેન્કિંગમાં 5 સ્થાન ગુમાવ્યું છે. રોહિત 5મા સ્થાનેથી સીધા 10મા સ્થાને પહોંચી ગયો છે.

વિરાટ ટોપ-10માંથી બહાર

ભારતના સ્ટાર બેટ્સમેન વિરાટ કોહલી ચેન્નાઈ ટેસ્ટની બંને ઈનિંગ્સમાં માત્ર 23 રન જ બનાવી શક્યો, જેના કારણે તેને ટેસ્ટ રેન્કિંગમાં નુકસાન થયું. વિરાટ સાતમા સ્થાનેથી સીધા 12મા સ્થાને પહોંચી ગયો છે. પાકિસ્તાનના બાબર આઝમ 11મા સ્થાને છે.

ગિલ 14માં સ્થાને પહોંચ્યો

ચેન્નાઈ ટેસ્ટમાં 119 રનની શાનદાર સદી ફટકારનાર શુભમન ગિલ પાંચ સ્થાનના ફાયદા સાથે 14મા સ્થાને પહોંચી ગયો છે.