રાહુલ ગાંધી શેર બજારથી મહિને કેટલા કમાય છે ? જુઓ

અમેરિકન શોર્ટ સેલર હિંડનબર્ગ રિસર્ચ સામેના આરોપોએ ભારતીય રાજકારણમાં હલચલ મચાવી દીધી છે. લોકસભામાં વિપક્ષના નેતા રાહુલ ગાંધીએ કહ્યું છે કે લોકોનું રોકાણ જોખમના ક્ષેત્રમાં પહોંચી ગયું છે. દરમિયાન એવી વાત સામે આવી છે કે રાહુલ ગાંધી પોતે શેરબજારમાંથી ઘણી કમાણી કરી રહ્યા છે.

આઈએએનએસની ગણતરી મુજબ, રાહુલ ગાંધીએ છેલ્લા પાંચ મહિનામાં શેરબજારમાંથી 46.49 લાખ રૂપિયાનો નફો કર્યો છે. આ રીતે, કોંગ્રેસ નેતાએ છેલ્લા 5 મહિનામાં શેરબજારમાંથી સરેરાશ દર મહિને 10 લાખ રૂપિયાની કમાણી કરી છે.

આ નફાની ગણતરી રાયબરેલી લોકસભા માટે રાહુલ ગાંધી દ્વારા દાખલ કરવામાં આવેલા ચૂંટણી નોમિનેશનમાં નોંધાયેલા શેરના આધારે કરવામાં આવી છે, જેમાં જણાવવામાં આવ્યું હતું કે 15 માર્ચ, 2024ના રોજ તેમના પોર્ટફોલિયોનું મૂલ્ય 4.33 કરોડ રૂપિયા હતું. 12 ઓગસ્ટ, 2024 સુધીમાં, શેરબજારમાં તેમના પોર્ટફોલિયોનું મૂલ્ય વધીને 4.80 કરોડ રૂપિયા થઈ ગયું છે.

રાહુલ ગાંધીના પોર્ટફોલિયોમાં સામેલ શેર
રાહુલ ગાંધીના પોર્ટફોલિયોમાં એશિયન પેઈન્ટ્સ, બજાજ ફાઈનાન્સ, દીપક નાઈટ્રેટ, ડિવીઝ લેબ્સ, જીએમએમ ફાઉડલર, હિન્દુસ્તાન યુનિલિવર, ઈન્ફોસીસ, આઈટીસી, ટીસીએસ, ટાઈટન, ટ્યુબ ઈન્વેસ્ટમેન્ટ્સ અને એલટીઆઈ માઇન્ડટ્રી જેવા શેરોનો સમાવેશ થાય છે. આ સિવાય વર્ટોસ એડવર્ટાઇઝિંગ અને વિનીલ કેમિકલ જેવી ઘણી નાની કંપનીઓ તેમના પોર્ટફોલિયોમાં સામેલ છે.

કોંગ્રેસના નેતાને માત્ર 4 શેરમાં નુકસાન થઈ રહ્યું છે
મોટી વાત એ છે કે તેમના પોર્ટફોલિયોમાં લગભગ 24 શેર છે, જેમાંથી તેમને માત્ર 4 કંપનીઓ LTI, Mindtree, Titan, TCS અને Nestle Indiaમાં નુકસાન થઈ રહ્યું છે. અન્ય કંપનીઓમાં રાહુલ ગાંધી નફામાં છે.