Son of Sardaar 2નું શુટિંગ શરુ…12 વર્ષ બાદ ફરી અજય દેવગણ સરદારજીના રોલમાં જોવા મળશે
અજય દેવગણ ની બ્લોકબાસ્ટર ફિલ્મોમાની એક ફિલ્મ એટલે સન ઓફ સરદાર જેણે બોલીવુડમાં ધમાલ મચાવી દીધી હતી ત્યારે હવે અજય દેવગણે પોતાના ફેન્સને ખુશખબર આપી છે. અજય દેવગણે આજથી તેની કોમેડી ડ્રામા ફિલ્મ ‘સન ઓફ સરદાર 2’નું શૂટિંગ શરૂ કરી દીધું છે. એક વીડિયો સામે આવ્યો છે, જેમાં અજય દેવગન અને મૃણાલ ઠાકુરનો ફર્સ્ટ લુક પણ સામે આવ્યો છે.
સન ઓન સરદાર અજય દેવગનની બ્લોકબસ્ટર ફિલ્મ રહી છે. 2012માં બોક્સ ઓફિસ પર ધમાલ મચાવ્યા બાદ આ એક્શન કોમેડીના બીજા ભાગની લાંબા સમયથી રાહ જોવાઈ રહી હતી. આખરે અજય દેવગનના ફેન્સ માટે સારા સમાચાર આવ્યા છે. અજય દેવગનની સન ઑફ સરદાર 2નું શૂટિંગ યુકેમાં શરૂ થઈ ગયું છે. બોલિવૂડ સુપરસ્ટાર અજય દેવગણે સોશિયલ મીડિયા પર ફિલ્મના મુહૂર્તની જાહેરાત કરી હતી. વિજય કુમાર અરોરા દ્વારા નિર્દેશિત આ ફિલ્મનું શૂટિંગ યુકે અને પછી ભારતમાં થશે. અજય દેવગનની આ પોસ્ટ પર ફેન્સ પણ ઘણી પ્રતિક્રિયા આપી રહ્યા છે.
થોડા દિવસો પહેલા સન ઓફ સરદાર 2 વિશે સમાચાર આવ્યા હતા કે આ વખતે સંજય દત્ત ફિલ્મમાં જોવા નહીં મળે. આ ફિલ્મમાં તેની જગ્યાએ રવિ કિશનને લેવામાં આવ્યો છે. તેનું કારણ સંજય દત્તને યુકેના વિઝા ન મળવાનું કહેવાય છે. સન ઑફ સરદાર 2માં અજય દેવગન ઉપરાંત વિજય રાજ, ચંકી પાંડે, નીરુ બાજવા, દીપક ડોબરિયાલ અને વિંદુ દારા સિંહ પણ જોવા મળી શકે છે.
અજય દેવગનની સન ઓફ સરદારની શૂટિંગ સ્ટાર્ટ પોસ્ટ પર એક કોમેન્ટ આવી છે કે ઓહ પાજી કદી હસભી લિયા કરો . તેનું કારણ એ છે કે વીડિયોમાં અજય દેવગન હંમેશાની જેમ ગંભીર દેખાઈ રહ્યો છે. એક ચાહકે કહ્યું છે કે આ ફિલ્મ બ્લોકબસ્ટર સાબિત થશે.
મૃણાલ ઠાકુર પંજાબી લુકમાં છવાઈ
અજય દેવગણે ફિલ્મ ‘સન ઓફ સરદાર 2’ના સેટ પરથી એક વીડિયો શેર કર્યો છે. આ વીડિયોમાં અજય દેવગન પહેલા ગુરુદ્વારામાં પ્રાર્થના કરતો જોવા મળે છે અને ત્યારબાદ તેનો પુત્ર અને ભત્રીજો તેમના હાથમાં ફિલ્મ સન ઓફ સરદાર 2નું ક્લેપબોર્ડ પકડેલો જોવા મળે છે. આ પછી ફિલ્મના ડિરેક્ટર વિજય કુમાર અરોરા જોવા મળે છે. ત્યારબાદ વીડિયોમાં ચંકી પાંડે ઢોલ પર ડાન્સ કરતો જોવા મળે છે અને ફિલ્મની લીડ એક્ટ્રેસ મૃણાલ ઠાકુર દેશી પંજાબી લુકમાં ઢોલ વગાડતી જોવા મળે છે. તે જ સમયે, અજય દેવગન સેટ પર સરદારજીની ભૂમિકામાં જોવા મળે છે.
આ વીડિયો શેર કરતા અજયે લખ્યું છે કે, ‘ફિલ્મ સન ઓફ સરદાર 2 ની સફર પ્રાર્થના, આશીર્વાદ અને અદભૂત ટીમ સાથે શરૂ થાય છે.’ તમને જણાવી દઈએ કે, ફિલ્મ સન ઑફ સરદાર વર્ષ 2012માં રિલીઝ થઈ હતી અને તેમાં અજય દેવગનની સાથે સોનાક્ષી સિંહા અને સંજય દત્તની કોમેડી ફ્લેવર હતી. હવે આ ફિલ્મમાં સોનાક્ષીની જગ્યાએ મૃણાલ ઠાકુર લીડ એક્ટ્રેસ તરીકે જોવા મળશે.
સન ઓફ સરદાર સાઉથની હિટ ફિલ્મની રિમેક હતી
અજય દેવગનની 2012માં આવેલી ફિલ્મ સન ઑફ સરદારનું નિર્દેશન અશ્વિની ધીરે કર્યું હતું. આ ફિલ્મ 2010 ની તેલુગુ હિટ ફિલ્મ મર્યાદા રામન્નાની રિમેક હતી. મર્યાદા રમન્નાનું નિર્દેશન એસએસ રાજામૌલી દ્વારા કરવામાં આવ્યું હતું. સન ઑફ સરદારમાં અજય દેવગન સાથે સંજય દત્ત, સોનાક્ષી સિંહા અને જુહી ચાવલા મુખ્ય ભૂમિકામાં હતા. 30 કરોડના બજેટવાળી આ ફિલ્મે વિશ્વભરમાં 160 કરોડનું કલેક્શન કર્યું હતું.
