તમે ઈન્ટરનેટ વગર પણ કરી શકો છો ઓનલાઈન પેમેન્ટ, follow કરો આ ટીપ્સ

ઓનલાઈન પેમેન્ટ સીસ્ટમથી આજે આપણું જીવન કેટલું સરળ બની ગયું છે. પોકેટમાં વધારે પૈસા રાખવાની જંજટમાંથી પણ છુટકારો મળી ગયો છે. આજે UPI સૌથી મોટી પેમેન્ટ સિસ્ટમ બની ગઈ છે. મોટી દુકાનો અને શાકભાજી માર્કેટમાં UPI પેમેન્ટનો ઉપયોગ કરવામાં આવી રહ્યો છે. UPI પેમેન્ટનો ઉપયોગ હવે વિશ્વના ઘણા દેશોમાં થઈ રહ્યો છે. તમે UPI દ્વારા 1 થી 1 લાખ રૂપિયા સુધીની ચુકવણી કરી શકો છો, જો કે તેના માટે ઇન્ટરનેટની જરૂર છે, પરંતુ શું તમે જાણો છો કે તમે ઇન્ટરનેટ વગર પણ UPI પેમેન્ટ કરી શકો છો. ચાલો જાણીએ તેની પદ્ધતિ…

ઇન્ટરનેટ કનેક્શન વિના UPI પેમેન્ટ કરતા પહેલા, તમારે તમારું એકાઉન્ટ સેટ કરવું પડશે. આ માટે તમારે તમારા ફોનમાં *99# ડાયલ કરવાનું રહેશે. આ પછી, તમારે ભાષા પસંદ કરવી પડશે અને તમારી બેંક સંબંધિત માહિતી જેમ કે નામ અને IFSC કોડના પ્રથમ ચાર અક્ષરો આપવા પડશે. આ પછી તમને તમારી બેંકમાં સૂચિબદ્ધ નંબર પર બેંકોની સૂચિ જોવા મળશે. આ સૂચિમાંથી પેમેન્ટ બેંક પસંદ કરો અને તમારા ડેબિટ કાર્ડના છેલ્લા છ અંકો અને એક્સપાયરી ડેટ દાખલ કરો. આ પછી UPI પેમેન્ટની પ્રક્રિયા ઇન્ટરનેટ કનેક્શન વિના પૂર્ણ થશે.

ઇન્ટરનેટ વગર UPI પેમેન્ટ કેવી રીતે કરવું

1. ચુકવણી કરવા માટે, તમારે તમારા ફોનમાં *99# ડાયલ કરવું પડશે અને પછી 1 દબાવો.
2. આ પછી, તમે જે વ્યક્તિને પૈસા મોકલવા માંગો છો તેનો UPI ID/બેંક એકાઉન્ટ નંબર/ફોન નંબર દાખલ કરો.
3. હવે તમે જે પૈસા મોકલવા માંગો છો તે રકમ અને UPI પિન દાખલ કરો.
4. આમ કરવાથી તમારું પેમેન્ટ સફળ થશે.
5. (યાદ રાખો કે *99# સેવાનો ઉપયોગ કરવા માટે, તમારી પાસેથી 0.50 રૂપિયા લેવામાં આવે છે અને આ સેવા સાથે તમે 5,000 રૂપિયા સુધીનો વ્યવહાર કરી શકશો.)

UPI લાઇટ દ્વારા પણ ઇન્ટરનેટ વિના ચુકવણી કરવામાં આવશે.

 તમે UPI લાઇટ દ્વારા ઇન્ટરનેટ વિના પણ પેમેન્ટ કરી શકો છો. તમે PhonePe, GooglePay, Paytm અથવા BHIM જેવી કોઈપણ એપમાં UPI Lite સેટ કરી શકો છો. UPI લાઇટ દ્વારા એક દિવસમાં વધુમાં વધુ રૂ. 2,000ની ચુકવણી કરી શકાય છે. UPI Lite દ્વારા પેમેન્ટ કરવા માટે, તમારે Lite વૉલેટમાં પૈસા ઉમેરવા પડશે. તે પછી તમે પેમેન્ટ કરી શકશો.