શું કાર્તિક આર્યન સુપરહીરો બનશે ? સોશિયલ મીડિયા પર શેર કરી ધમાકેદાર પોસ્ટ
બોલીવુડ સુપરસ્ટાર કાર્તિક આર્યન સફળતાના શિખરો સર કરી રહ્યો છે. ભુલ ભુલૈયા 2 થી અભિનેતાની ફેન ફોલોઈંગમાં જબરદસ્ત વધારો થયો છે. પોતાની એક્ટિંગ અને સ્ટનિંગ લુકથી લોકોના દિલમાં ખાસ જગ્યા બનાવનાર કાર્તિક સોશિયલ મીડિયા પર ખૂબ જ એક્ટિવ રહે છે. તાજેતરમાં જ તેણે કરેલી એક પોસ્ટને કારણે તેના ચાહકો ઉત્સાહિત થઈ ગયા છે.
ખરેખર, કાર્તિકે ઇન્સ્ટાગ્રામ પર એક વીડિયો શેર કર્યો છે, જેમાં તે સુપરહીરો જેવા અવતારમાં જોવા મળી રહ્યો છે. આ વીડિયોની સાથે અભિનેતાએ લખ્યું, “લોડિંગ”. થોડી જ વારમાં આ ક્લિપ સોશિયલ મીડિયા પર ચર્ચાનો વિષય બની ગઈ. ચાહકો આ નાનકડા વિડીયો પર જોરદાર કોમેન્ટ કરી રહ્યા છે અને જાણવાનો પ્રયાસ કરી રહ્યા છે કે આ તેની સુપરહીરો ફિલ્મની ઝલક છે કે પછી તે કોઈ જાહેરાતમાં જોવા મળશે. એક યુઝરે કોમેન્ટ કરી, “બ્રહ્માસ્ત્ર 2??? ક્રિશ 4? શક્તિમાન?”. અન્ય યુઝરે લખ્યું, ” મારા રુવાડા ઉભા થઇ ગયા છે !!!!”. ત્રીજા યૂઝરે લખ્યું, “તમે આમાં હોટ લાગી રહ્યા છો.”
કાર્તિક આર્યન છેલ્લે સત્યપ્રેમ કી કથામાં કિયારા અડવાણી સાથે સ્ક્રીન પર જોવા મળ્યો હતો. સમીર સંજય વિદ્વાંસ દ્વારા નિર્દેશિત આ ફિલ્મે બોક્સ ઓફિસ પર સારો દેખાવ કર્યો હતો. તેમાં અર્જુન અનેજા, શિખા તલસાનિયા, અનુરાધા પટેલ અને માયરા દોશી જેવા કલાકારો પણ જોવા મળ્યા હતા.
કાર્તિક આર્યન ચંદુ ચેમ્પિયનમાં જોવા મળશે
કાર્તિક આર્યન ટૂંક સમયમાં ચંદુ ચેમ્પિયન નામની ફિલ્મમાં જોવા મળશે. તેનું નિર્દેશન કબીર ખાને કર્યું છે. આ ફિલ્મ મુરલીકાંત પેટકર નામના ખેલાડીની વાર્તા કહેશે. પેટકર એક સુવર્ણ ચંદ્રક વિજેતા છે જેણે 1970 કોમનવેલ્થ ગેમ્સમાં અને ફરીથી જર્મનીમાં યોજાયેલી 1972 પેરાલિમ્પિક્સમાં દેશને ગૌરવ અપાવ્યું હતું. કબીર ખાનની ચંદુ ચેમ્પિયન 14 જૂન, 2024ના રોજ સિનેમાઘરોમાં રિલીઝ થવાની છે.
કાર્તિક આર્યન ભુલ ભુલૈયા 3માં પણ જોવા મળશે
ચંદુ ચેમ્પિયન ઉપરાંત કાર્તિક આર્યન પાસે ભુલ ભુલૈયા 3 પણ છે. અનીસ બઝમી દ્વારા નિર્દેશિત આ ફિલ્મમાં તૃપ્તિ ડિમરી, વિદ્યા બાલન પણ જોવા મળશે. એવું પણ અનુમાન લગાવવામાં આવી રહ્યું છે કે આ ફિલ્મમાં માધુરી દીક્ષિત પણ જોવા મળી શકે છે. જો કે આ અંગે કોઈ સત્તાવાર જાહેરાત કરવામાં આવી નથી. નિર્માતાઓ આ વર્ષે દિવાળીના અવસર પર આ ફિલ્મને સિનેમાઘરોમાં રજૂ કરવાની યોજના બનાવી રહ્યા છે.
