વર્લ્ડકપ માટે ઈંગ્લેન્ડ-આફ્રિકા ટીમ જાહેર

ઈંગ્લેન્ડ ટીમની કમાન બટલર, આફ્રિકાની માર્કરમના હાથમાં
ફિલ સોલ્ટ, જોની બેરિસ્ટો, વિલ જેક્સ, જોફ્રા આર્ચર સહિતના ધુરંધરોની ઈંગ્લેન્ડ ટીમમાં પસંદગી
આફ્રિકા ટીમમાં યુવાની સાથે જ અનુભવી ખેલાડીઓનું કોમ્બિનેશન

ઈંગ્લેન્ડ અને આફ્રિકા ક્રિકેટ બોર્ડે ૧ જૂનથી શરૂ થઈ રહેલા ટી-૨૦ વર્લ્ડકપ માટે પોતાની ટીમ જાહેર કરી દીધી છે. ઈંગ્લેન્ડ બોર્ડે ટી-૨૦ વર્લ્ડકપની સાથે જ પાકિસ્તાન વિરુદ્ધ રમાનારી ટી-૨૦ શ્રેણી માટે પણ ટીમ પસંદ કરી છે. ઈંગ્લેન્ડ ટીમની કમાન જોશ બટલર કે જે અત્યારે આઈપીએલમાં રાજસ્થાન વતી ધુંઆધાર ફોર્મમાં રમી રહ્યો છે તેને સોંપાઈ છે. જ્યારે આફ્રિકા ટીમનું સુકાન એડન માર્કરમને અપાયું છે.
ઈંગ્લેન્ડ ટીમની વાત કરવામાં આવે તો તેમાં લાંબા સમય બાદ ફાસ્ટ બોલર જોફ્રા આર્ચરની વાપસી થઈ છે. આ ઉપરાંત વિસ્ફોટક બેટર ફિલિપ સોલ્ટ, વિલ જેક્સ અને જોની બેરિસ્ટો પણ વર્લ્ડકપમાં રમતાં જોવા મળશે. બોર્ડે હૈરી બ્રુક અને લિયામ લિવિંગસ્ટોન ઉપર પણ ભરોસો મુક્યો છે. ટીમનો બોલિંગ એટેક પણ ઘણો મજબૂત કરાયો છે. બોલરોમાં માર્ક વૂડ, રીસ ટોપલે, આદિલ રાશિદ જેવા બોલરો સમાવિષ્ટ છે.
જ્યારે આફ્રિકા ટીમના ૧૫ ખેલાડીઓની પસંદગી પણ કરાઈ છે. આ ટીમમાં અનુભવીની સાથે જ યુવા ખેલાડીઓને તક અપાઈ છે. ટીમના કેપ્ટન એડમ માર્કરમ ઉપરાંત ક્વિન્ટન ડીકોક, હેનરિક ક્લાસેન, ડેવિડ મીલર, કેગીસો રબાડા અને તબરેજ શમ્સી જેવા અનુભવી ખેલાડીઓ રમતાં જોવા મળશે.

આફ્રિકા ટીમ
એડન માર્કરમ (કેપ્ટન), ઓટનીલ બાર્ટબેન, ગેરાલ્ડ કોએત્ઝી, ક્વિન્ટન ડીકોક, બ્યોર્ન ફોર્ટુઈન, રીઝા હેન્ડ્રીક્સ, માર્કો જાનસન, હેનરિક ક્લાસેન, કેશવ મહારાજ, ડેવિડ મીલર, એનિરક નોર્ત્ઝે, કેગીસો રબાડા, રયાના રિકેલટન, તબરેઝ શમ્સી, ટ્રિસ્ટન સ્ટબ્સ

ઈંગ્લેન્ડ ટીમ
જોસ બટલર (કેપ્ટન), મોઈન અલી (વાઈસ કેપ્ટન), ફિલ સોલ્ટ, વિલ જેક્સ, જોની બેરિસ્ટો, હૈરી બ્રુક, લિયામ લિવિંગસ્ટોન, સૈમ કર્રન, જોફ્રા આર્ચર, ક્રિસ જોર્ડન, માર્ક વૂડ, રીસ ટોપ્લે, આદિલ રાશિદ, ટૉમ હાર્ટલે, બેન ડકેટ