સાઉથની ‘થંડેલ’ ફિલ્મના ઓટીટી રાઇટ્સ ૪૦ કરોડમાં વેંચાયા
સાઉથ સ્ટાર નાગા ચૈતન્ય અને સાઈ પલ્લવી લીડ રોલમાં નજરે પડશે
સાઉથ સ્ટાર નાગા ચૈતન્યની ‘થંડેલ’ને હજુ થિયેટરમાં આવવા માટે ઘણો સમય છે પરંતુ તેના ડિઝિટલ અત્યારથી જ વેંચાઈ ગયા છે. આ ફિલ્મના ઓટીટી રાઇટ્સ માટે નિર્માતાઓને મોટી રકમ મળી છે.
દર્શકો સાઉથના સ્ટાર નાગા ચૈતન્યની ફિલ્મ ‘થંડેલ’નો આતુરતા પૂર્વક રાહ જોઈ રહ્યા છે. ફિલ્મનું ટીઝર રિલીઝ થઈ ચૂક્યું છે. આ ફિલ્મમાં નાગા ચૈતન્ય સાથે સાઈ પલ્લવી લીડ રોલમાં દેખાશે. ચંદુ મોદેંતીના ડાયરેક્શનમાં બની રહેલી થંડેલ વિશે રિપોર્ટનું માનવામાં આવે તો તે ક્રિસમસના દિવસોમાં થિયેટરમાં રિલીઝ થશે.
એક રિપોર્ટ મુજબ થંડેલની ઓટીટી ડીલ નેટફલિકસ સાથે લોક થઈ છે અને ફિલ્મના રાઇટ્સ ૪૦ કરોડમાં વેંચાયા છે. થોડા સમય પહેલા નાગા ચૈતન્યએ પોતાના આ પ્રોજેક્ટ વિશે ખુલાસો કર્યો હતો. તેણે કહ્યું હતું કે, આ ફિલ્મ ૨૦૧૮માં બનેલી સાચી ઘટના પર આધારિત છે. મે આ પહેલા આવો રોલ ક્યારેય ભજવ્યો નથી. આ ફિલ્મ માછીમારો પર આધારિત છે, જે એમની યાત્રા દરમિયાન પાકિસ્તાન સીમા ઓળંગી જાય છે. અને તેમને પકડી લેવામાં આવે છે. આ ફિલ્મમાં એમના દુ:ખને દેખાડવામાં આવ્યું છે.
