છત્તીસગઢમાં ટ્રક અને કાર વચ્ચે અકસ્માતમાં 10 ના મોત
20 લોકો ઘાયલ, કેટલાકની હાલત ગંભીર
છત્તીસગઢના બેમતારામાં સોમવારે કરૂણ અકસ્માત થયો હતો. અહીં એક માર્ગ અકસ્માતમાં 10 લોકો મૃત્યુ પામી ગયા હતા જ્યારે લગભગ 2 ડઝન લોકો ઘાયલ થયા હતા. મૃતકોમાં ત્રણ માસૂમ બાળકોનો પણ સમાવેશ થાય છે. ઘટના બાદ વિસ્તારમાં અફરાતફરીનો માહોલ સર્જાયો હતો. તમામ લોકો ફેમિલી ફંક્શનમાં હાજરી આપીને પરત ફરી રહ્યા હતા ત્યારે કાળનો કોળિયો બન્યા હતા.
ટ્રક અને કાર વચ્ચે આ અકસ્માત સર્જાયો હતો. પિકઅપ વાહન રોડના કિનારે ઉભેલા ટ્રક સાથે ભટકાઈ ગઈ હતી અને 10 જિંદગી હોમાઈ ગઈ હતી. બનાવ સ્થળે આસપાસના ગામ લોકો પણ એકત્ર થઈ ગયા હતા.
રાહત અને બચાવ કામગીરી શરૂ કરીને ઘાયલોને નજીકની હોસ્પિટલમાં લઈ જવામાં આવ્યા હતા. લગભગ બે ડઝન લોકો ઘાયલ થયા હતા. , જેમાંથી કેટલાક લોકોની હાલત નાજુક હોવાનું કહેવાય છે. બેમેટારા કલેક્ટર રણવીર શર્મા, એસપી રામકૃષ્ણ સાહુ અને તમામ વરિષ્ઠ અધિકારીઓ હોસ્પિટલ ગયા હતા.
