પટણામાં કોની થઈ હત્યા ? જુઓ

બિહારની રાજધાની પટનામાં પુનપુન પોલીસ સ્ટેશન વિસ્તારમાં નીતિશ કુમારની પાર્ટી જેડીયુ ના યુવા નેતા સૌરભ કુમારની અજાણ્યા હુમલાખોરોએ ગોળી મારીને હત્યા કરી દીધી હતી. આ ઘટનામાં સૌરભનો સાથીદાર મુનમુન કુમાર ગંભીર રીતે ઘાયલ થયો છે. તેને પટનાના કાંકરબાગ સ્થિત એક ખાનગી નર્સિંગ હોમમાં દાખલ કરવામાં આવ્યો હતો.

બાઇક પર સવાર બે અજાણ્યા હુમલાખોરોએ સૌરભને ગોળી મારીને ભાગી ગયા હતા. 33 વર્ષીય સૌરભ કુમાર પણ પ્રોપર્ટી ડીલિંગનું કામ કરતો હતો. તે મિત્ર મુનમુન સાથે રાત્રે 12 વાગે કારમાં લગ્નના રિસેપ્શનમાંથી પરત ફરી રહ્યો હતો. આ દરમિયાન બાઇક પર સવાર બદમાશોએ અંધાધૂંધ ગોળીબાર કર્યો હતો. સૌરભ કુમારને માથામાં ગોળી વાગી હતી જેના કારણે તેનું મોત થયું હતું. તેના મિત્ર મુનમુન કુમારને બે ગોળી વાગી છે અને તેની હાલત નાજુક છે.

જેડીયુ નેતાની હત્યાની ઘટનાથી ગ્રામીણો ગુસ્સે થયા હતા અને મૃતદેહને એમ્બ્યુલન્સ સાથે રસ્તા પર રાખી દેખાવો શરૂ કરી દીધા હતા. આ દરમિયાન NH 83 થી પટના સુધીનો રસ્તો પણ બ્લોક કરી દેવામાં આવ્યો હતો. લોકોએ ગુનેગારોને તાત્કાલિક ધોરણે પકડવાની માંગ કરી હતી.