Bhool Bhulaiyaa 3 ફિલ્મને લઈને મોટી અપડેટ : વિદ્યા બાલાને કહ્યું કેવું હશે મંજુલિકાનું પાત્ર…!!!
ભૂલભૂલૈયા અને ભૂલભૂલૈયા 2 આપણે સૌ કોઈ નિહાળી હશે જેમાં પહેલા ભાગમાં વિદ્યા બાલન અને બીજા ભાગમાં કાર્તિક આર્યન જોવા મળ્યો હતો ત્યારે હવે ભૂલભૂલૈયા પાર્ટ 3 માં વિદ્યા બાલન અને કાર્તિક આર્યન સાથે જોવા મળશે. આ બંનેની જોડીને સિનેમા ઘરોમાં જોવા માટે ફેન્સ આતુરતાથી રાહ જોઈ રહ્યા છે. દર્શકોની આતુરતાનું એક કારણ એ પણ છે કે વિદ્યા બાલન ફરી એક વાર મંજૂલીકાના રોલમાં જોવા મળશે.
ભૂલભૂલૈયા અને ભૂલભૂલૈયા 2ની સફળતા બાદ ભૂલભૂલૈયા 3 નું શૂટિંગ શરૂ થઈ ગયું છે. તમે ભૂલભૂલૈયા 2 માં મંજૂલીકાને મિસ કરી હશે ત્યારે હવે ભૂલ ભૂલૈયા 3 માં તમને મંજુલિકા એટલે કે વિદ્યા બાલન પણ જોવા મળશે ત્યારે તેમના રોલને લઈને એક મોટું અપડેટ સામે આવ્યું છે.
વિદ્યા બાલનાને કહ્યું કેવુ હશે મંજૂલીકાનું પાત્ર
મંજુલિકાનું પાત્ર પહેલા કરતા અલગ હશે. તેણે કહ્યું કે આ વખતે દર્શકોને કંઈક નવું જોવા મળશે. પાત્ર વિશે વાત કરતાં વિદ્યા બાલને કહ્યું કે આ સમય અલગ છે અને હું પણ અલગ છું. મારું પાત્ર સરખું હોઈ શકે છે, પરંતુ તે પહેલા કરતા અલગ છે.
કાર્તિક અને વિદ્યા સાથે ડાન્સ કરતા જોવા મળી શકે છે
કાર્તિક આર્યન અને વિદ્યા બાલન ફિલ્મ ‘ભૂલ ભુલૈયા 3’માં એક મહત્વની ભૂમિકામાં જોવા મળે છે. ‘ મીડિયામાં એવી પણ ચર્ચા છે કે કાર્તિક આર્યન અને વિદ્યા બાલન એકસાથે ડાન્સ કરતા જોવા મળી શકે છે. મીડિયા રિપોર્ટ્સ અનુસાર, ગીતને ગણેશ આચાર્ય કોરિયોગ્રાફ કરી શકે છે.
વિદ્યા બાલને કહ્યું કે તેને ફિલ્મનો પહેલો ભાગ ઘણો પસંદ આવ્યો. આ ફિલ્મે તેને ઘણું આપ્યું છે. તેણે કહ્યું કે લોકો ફિલ્મનો ત્રીજો ભાગ માણવા જઈ રહ્યા છે, કારણ કે આ એક અલગ પ્રકારની ફિલ્મ બનવા જઈ રહી છે. ફિલ્મની સ્ટોરી વિશે વિદ્યાએ કહ્યું કે તેને તે ગમી છે અને તે અનીસ બઝમી સાથે કામ કરવા માંગે છે. ત્યારે આગામી દિવસોમાં ખબર પડશે કે ફિલ્મ ફક્ત હોરર હશે કે હોરર વિથ કોમેડિ હશે અને અભિનેત્રી વિદ્યા બાલન અને કાર્તિક કાર્યની જોડી બોલીવુડમાં ધૂમ મચાવશે કે કેમ તે હવે જોવાનું રહ્યું !!!!