રણમાં પૂર જોયા છે ? જુઓ
ક્યાં પડ્યો અનરાધાર વરસાદ ?
આરબ દેશોમાં વરસાદ સાવ નજીવો જ હોય છે તેવી પરંપરા રહી છે પણ જળવાયુની અસરને લીધે અહીં પણ હવામાન વિચિત્ર થઈ ગયું છે. અચાનક યુએઇના અલગ અલગ ભાગોમાં મુશળધાર વરસાદ પડી ગયો હતો. સોમવાર રાતથી વીજળીના કડાકા ભડાકા શરૂ થઈ ગયા હતા. બરફના કરા પણ પડ્યા હતા.
સમયાંતરે વરસાદ પડતાં રેગિસ્તાનમાં પૂર જેવી સ્થિતિ જોવા મળી હતી. આવા માહોલમાં જનજીવન અસ્તવ્યસ્ત થઈ જતાં યુએઇના પ્રિન્સે સરકારી કર્મીઓ માટે વર્ક ફ્રોમ હોમની જાહેરાત કરી દીધી હતી. અનેક વિસ્તારોમાં કાર પણ અડધી ડૂબી ગયેલી દેખાઈ હતી.
ગલ્ફ ન્યૂઝના રિપોર્ટ મુજબ ભારે વર્ષાને લીધે કેટલાક વિસ્તારોમાં મધ્યમ લેવલ જેવા પૂર જેવી સ્થિતિ થઈ ગઈ હતી. સોમવારે રાત્રે કડાકા ભડાકા સાથે શારજાહમાં અને અન્ય શહેરોમાં ભારે વર્ષા થઈ હતી. અનેક જગ્યાએ બરફના કરા પણ પડ્યા હતા.
દુબઈ અને અલ એન સહિતના શહેરોની સ્થિતિ અંગે લોકોએ પાણીના બેકાબૂ પ્રવાહનો વિડીયો પણ શેર કર્યો હતો. જો કે હવામાન વિભાગે એમ કહ્યું હતું કે બુધવાર સુધી અહીં વરસાદની શક્યતા છે.
