આ દિવસે જાહેર થશે કોંગ્રેસનો ચૂંટણી ઢંઢેરો
બુધવારથી ‘ઘર-ઘર ગેરંટી’ અભિયાન હેઠળ કાર્યકરો ઘરે-ઘરે જઈને પાંચ ‘ન્યાય’ અને ‘પચીસ ગેરંટી’ વિશે જણાવશે.
કોંગ્રેસ 5 એપ્રિલે લોકસભા ચૂંટણી 2024 માટે તેનો ઢંઢેરો જાહેર કરશે. આ પછી પાર્ટી દેશના વિવિધ ભાગોમાં ચૂંટણી સભાઓ શરૂ કરશે. કોંગ્રેસના મહાસચિવ જયરામ રમેશે પત્રકારોને કહ્યું કે અમે 16 માર્ચે અમારા ‘પાંચ જસ્ટિસ’, ‘પચીસ ગેરંટી’ જાહેર કરી છે. દેશભરમાં આઠ કરોડ ગેરંટી કાર્ડનું વિતરણ કરવા માટેનું તેનું ‘ઘર-ઘર ગેરંટી’ અભિયાન 3 એપ્રિલથી શરૂ થશે જયારે ચૂંટણી ઢંઢેરો5મી એપ્રિલે બહાર પાડવામાં આવશે.
જયરામ રમેશે કહ્યું હતું કે, કોંગ્રેસનો ચૂંટણી ઢંઢેરો દેશવ્યાપી ચર્ચા બાદ તૈયાર કરવામાં આવ્યો છે. ઈમેલ અને અમારી ‘આવાઝ ભારત કી’ વેબસાઈટ દ્વારા મળેલા હજારો સૂચનો પણ ચૂંટણી ઢંઢેરામાં સામેલ કરવામાં આવ્યા છે. કોંગ્રેસનો ઢંઢેરો જનતાના અવાજને પ્રતિબિંબિત કરે છે.
રમેશે આરોપ લગાવ્યો કે ભાજપ આવકવેરાના દાવાની નોટિસ મોકલીને કોંગ્રેસને હેરાન કરવાનો પ્રયાસ કરી શકે છે, પરંતુ કોંગ્રેસ ન તો ડરી રહી છે અને ન તો ધીમી પડી રહી છે. અમે તૈયાર છીએ, અમે જીતીશું અને અમે વિજયી થઈશું.
