રાજકોટ જિલ્લા પંચાયતના આટલા કર્મચારી આપશે ખાતાકીય પરીક્ષા..જુઓ

પરીક્ષા માટે તૈયારીઓ શરૂ: 3 કેન્દ્ર ફાળવાયા: 5 જિલ્લાના ઉમેદવારો રાજકોટમાં આપશે પરીક્ષા

પંચાયત સેવા પસંદગી બોર્ડ દ્વારા જિલ્લા પંચાયતના વર્ગ-3ના કર્મચારીઓની આગામી તા.2-3માર્ચ દરમિયાન ખાતાકીય પરીક્ષા લેવામાં આવશે. જેમાં રાજકોટ જિલ્લા પંચાયતના અંદાજે 1750 કર્મચારી પરીક્ષા આપશે. જ્યારે પરીક્ષા માટે ત્રણ કેન્દ્ર પણ ફાળવવામાં આવ્યા છે.

પંચાયત વિભાગ મારફતે પંચાયત સેવા પસંદગી બોર્ડ દ્વારા જિલ્લા પંચાયતના કર્મચારીઓ કે જે વર્ગ-2 નિમ્ન શ્રેણીમાં આવે છે તેમની બઢતી માટેની ખાતાકીય પરીક્ષા આગામી તા.2-3 માર્ચ દરમિયાન લેવામાં આવશે. આ માટે રાજકોટમાં ત્રણ કેન્દ્ર ફાળવવામાં આવ્યા છે. જિલ્લા પંચાયતમાં ફરજ બજાવતા જુનિયર ક્લાર્ક (વહીવટી, હિસાબી), એમપીએચડબલ્યુ, એફએચડબલ્યુમાં ફરજ બજાવતા કર્મચારીઓ બઢતી માટે પરીક્ષા આપશે.

જાણવા મળતી વિગતો મુજબ રાજકોટમાં રાજકોટ ઉપરાંત મોરબી, દેવભુમી દ્વારકા, સુરેન્દ્રનગર અને જામનગરના કર્મચારીઓની પરીક્ષા લેવાશે. જે માટે સૌરાસ્ટ્ર યુનિવર્સિટી, વિરબાઈ મહિલા કોલેજ અને લાભુભાઈ ત્રિવેદી કોલેજ ફાળવવામાં આવી છે.મહત્વનું છે કે, જુનિયર ક્લાર્કમાંથી સિનિયર ક્લાર્કની બઢતી માટે લેવાતી આ પરીક્ષા માટે હાલ જિલ્લા પંચાયતમાં જુદા-જુદા પ્રકારની તૈયારીઓ શરૂ કરી દેવામાં આવી છે.