રાજકોટમાં જામનગર રોડ પર લૂંટ વિથ મર્ડર ની ઘટના માં મહિલાની હત્યાનો ભેદ ખુલી ગયો : શું કહ્યું પોલીસ કમિશનર રાજુ ભાર્ગવે, જુઓ વિડિયો

રાજકોટના જામનગર રોડ પર નવા કોર્ટ બિલ્ડીંગ સામે શિવસાગર સોસાયટીમા વેલેન્ટાઇન ડે ના દિવસે તા.૧૪/૨ના રોજ હેમાલીબેન અલ્પેશભાઈ વરૂ(ઉ.વ.૨૭) નામની મહિલાની હત્યાની તપાસમા નવો વણાક આવ્યો હતો. શરૂઆતથી પરિણીતાની હત્યા તેના પતિએ કર્યાની પોલીસની તપાસ બાદ હત્યામા તેના કૌટુબિક ભત્રીજાની સડોવણી બહાર આવ્યા બાદ ક્રાઇમ બ્રાચની ટીમે હત્યારા ભત્રીજા અયોધ્યા ચોકડી, યોગરાજનગર, શીવસાગર પાર્ક બ્લોક, જામનગર રોડ, ન્યુ કોર્ટ બીલ્ડીંગ પાછળ પ્રેમ ભરત જેઠવા(ઉ.વ.૨૦)ની ધરપકડ કરી હતી. પ્રેમે પ્રેમિકાને “વેલેન્ટાઇન ડે”ની ગિફ્ટ આપવા કાકીનુ કાસળ કાઢ્યુ હોવાનુ તપાસમા જાણવા મળ્યુ છે. પોલીસ હત્યાનો ભેદ ઉકેલવા સાથે લૂટ કરાયેલ રોકડ અને દાગીના સહિત રૂ.૨.૧૭ લાખનો મુદ્દમાલ કબજે કર્યો હતો.
પકડાયેલ પ્રેમ ભરત જેઠવાની સગીર પ્રેમિકાને વેલેન્ટાઇન ડે ના દિવસે મોંધી ગિફ્ટ આપવા માગતો હતો. મોજશોખ વાળુ અને ઐયાશી ભર્યું જીવન જીવવા માટે તથા પોતાની નાની મોટી જરૂરીયાતો પુરી કરવા કોઇપણ ભોગે રૂપીયાની જરૂરીયાત હતી જેથી પ્રેમ વેલેન્ટાઇન ડે ના દિવસે તા.૧૪/૨/૨૦૨૪ ના પોતાના કૌટુબીક કાકા અલ્પેશભાઈ વરૂના ઘરે ગયો હતો.

ત્યારે તેના કાકી હેમાલીબેન ફળીયામાં સાફ-સફાઇ કરતા હતા અને ઘરમા અન્ય કોઇ હાજર ન હોય પોતે ઢીંગલીને રમાડવા આવ્યો છે. તેમ કહી ઘરમા પ્રવેશ કરી હેમાલીબેન બહાર કામ કરતા હતા ત્યારે કબાટ વાળા રૂમમા જઇ કબાટ ખોલી તેમા પડેલ સોનાના ચેઇન ખીસ્સામા નાખતો હતો. તે હેમાલીબેન જોઈ જતા બોલાચાલી ઝઘડો થતા આ બનાવની જાણ કરવા હેમાલીબેનએ આરોપીના મમ્મીને ફોન કરતા આરોપી ગુસ્સામાં આવી ઉશ્કેરાઈ જઈ નાની બાળકી રૂહીની હાજરીમા હેમાલીબેનનું મોઢુ દબાવી બેડ ઉપર પછાડી નજીક પડેલ કાતરથી હેમાલીબેનના ગળામા કાતરના ઘા મારી મોત નિપજાવી ફરીથી કબાટ વાળા રૂમમા જઈ કબાટમા બાકી રહેલા બીજા સોનાના દાગીના ચોરી બહારથી બારણુ બધ કરી નાસી ગયેલ હતો.

હત્યામા હેમાલીબેનના પતિ અલ્પેશ ઉપર શકા જતા પોલીસે તેણી પૂછપરછ કરતા ગભરાયેલા અલ્પેશે નાછૂટકે હત્યાની કબૂલાત આપી હતી,જોકે ક્રાઇમ બ્રાચની તપાસમા હત્યામા પુરાવા અને ટેકનિકલ બાબતોની તપાસમા અલ્પેશ નહિ પણ હત્યારો અન્ય હોવાની માહિતી સામે આવ્યા બાદ એક પછી એક ટેકનિકલ રીતે તાપસ બાદ હત્યા પ્રેમ ભરત જેઠવા કરી હોવાનુ સામે આવ્યુ હતુ. જેની પોલીસે ધરપડક કરી રૂ.૨.૧૭ લાખનો મુદ્દમાલ કબજે કર્યો હતો. પોલીસ કમિશનર રાજુ ભાર્ગવ, અધિક પોલીસ કમિશ્નર વિધી ચૌધરી, ડીસીપી ક્રાઈમ ડો. પાર્થરાજસિહ ગોહીલ, એસીપી ક્રાઈમ ભરત બી. બસીયાની સૂચના અને માર્ગદર્શન હેઠળ ક્રાઇમ બ્રાચના પીઆઈ એમ.આર. ગોંડલીયાના સાથે પીએસઆઇ ડી.સી. સાકરીયા, એમ.જે. હુણ, એ.એન. પરમાર, એ.એસ. ગરચર, તથા તેમની ટીમ દ્વારા કામગીરી કરવામા આવી હતી

બાળકોને સોશિયલ મીડિયાથી દૂર રાખો:પોલીસ કમિશનર રાજૂ ભાર્ગવ
પોલીસ કમિશનર રાજૂ ભાર્ગવે પ્રજા જોગ સદેશ આપતા જણાવ્યુ કે, હાલ નાની ઉમરમાં યુવાનો ઇંસ્ટાગ્રામ અને ફેસબુકના રવાડે ચડી દોસ્તી કરે છે અને ગર્લફેન્ડની માગણી સંતોષવા માટે ગુનાના રવાડે ચડી જાય છે. પકડાયેલ આરોપી પ્રેમએ માત્ર ૨૦ વર્ષની ઉમરે ભૌતિકતાવાદી જીવન જીવવાની ઘેલછામાં તથા સોશ્યલ મીડીયાના પ્રભાવમા આવી પોતાના ઉંચા મોજશોખ પુરા કરવા અને ઐયાશી ભર્યા જીવન જીવવાના કારણે લૂટ અને હત્યાના ગુનાને અજામ આપ્યો હતો. નાની ઉમરે બાળકો ભૌતિકતાવાદી જીવન અને સોશ્યલ મીડીયાની અતિશયોક્તિમાં આવી ગેરમાર્ગે જતા હોય છે તેને અટકાવવા માટે વાલીઓએ પોતાના સતાનો શુ કરે છે? તેનુ ધ્યાન રાખવુ ખુબ જ જરૂરી છે.