બેડમિન્ટનમાં ભારતની કમાલ
સેમિ.માં બે વખતના ચેમ્પિયન જાપાનને હરાવ્યું: આજે થાઈલેન્ડ સામે ફાઈનલ મેચ
ભારતીય મહિલા ટીમ બેડમિન્ટન એશિયા ટીમ ચેમ્પિયનશિપના ફાઈનલમાં પહોંચી ગઈ છે. ભારતીય મહિલાઓએ પહેલી વખત આ ટૂર્નામેન્ટના ફાઈનલમાં જગ્યા બનાવી છે જ્યાં આજે તેનો મુકાબલો થાઈલેન્ડ સામે થવાનો છે. મલેશિયામાં રમાઈ રહેલી આ ટૂર્નામેન્ટના સેમિફાઈનલમાં ભારતે બે વખતના ચેમ્પિયન જાપાનને ૩-૨થી હરાવ્યું હતું. જ્યારે બીજા સેમિફાઈનલમાં થાઈલેન્ડે ઈન્ડોનેશિયાને ૩-૧થી હાર આપી હતી. અગાઉ ભારતીય મહિલા ટીમે ક્વાર્ટર ફાઈનલમાં હોંગકોંગને ૩-૦થી હરાવ્યું હતું. ટીમે પહેલી વખત ટોપ-૪માં પ્રવેશ મેળવ્યો હતો. આ સાથે જ મહિલા ટીમે પહેલી વખત ટૂર્નામેન્ટમાં પોતાનો મેડલ નિશ્ચિત કરી લીધો છે.
