હવે આ તારીખથી Paytmનું ફાસ્ટેગ નહીં ચાલે, ટોલ ભરવા માટે નવા સ્ટીકર લેવા પડશે

• ફાસ્ટેગ માટેની માન્યતાપ્રાપ્ત બેન્કોમાંથી પેટીએમ બેન્કનું નામ નીકળી ગયું
• દેશના ૨ કરોડથી વધુ વાહનચાલકોને થશે અસર

Paytmનો ઉપયોગ કરતા લોકો માટે વધુ એક સમસ્યા ઉભી થઇ છે. પેટીએમ બેન્ક પરથી જેમણે ટોલ ભરવા માટેના FASTag લીધા હશે તેમણે નવા ફાસ્ટેગ લેવાની જરૂર પડશે કારણ કે નેશનલ હાઈવે ઓથોરિટીએ ફાસ્ટેગ સર્વિસ માટેની માન્યતાપ્રાપ્ત બેન્કોમાંથી પેટીએમ બેન્કનું નામ કાઢી નાખ્યું છે. હાલમાં જે ફાસ્ટેગ છે તે ફેબ્રુઆરીના અંત સુધી ચાલશે. ત્યાર પછી તમારી પાસે અન્ય કોઈ બેન્કનું ફાસ્ટેગ હોવું જરૂરી છે.

હાલમાં NHAIએ એવી 30 બેન્કોની યાદી આપી છે જેઓ ફાસ્ટેગ ઈશ્યૂ કરી શકે છે. તેમાં કેટલીક પેમેન્ટ બેન્કો, કોમર્શિયલ અને સ્મોલ ફાઈનાન્સ બેન્કોનો સમાવેશ થાય છે. પરંતુ આ 30 બેન્કોની યાદીમાં પેટીએમ પેમેન્ટ્સ બેન્કનો સમાવેશ થતો નથી. પેટીએમ દ્વારા કેટલાક કાયદાનો ભંગ કરવામાં આવ્યા બાદ રિઝર્વ બેન્ક ઓફ ઈન્ડિયા દ્વારા તેની સામે સખત કાર્યવાહી કરવામાં આવી છે.

હાલમાં લોકો પાસે પેટીએમના જે FASTag છે તેનો 29 ફેબ્રુઆરી સુધી ઉપયોગ કરી શકાશે. ભારતમાં લગભગ બે કરોડ જેટલા પેટીએમ ફાસ્ટેગ યુઝરો છે જેમણે નવા સ્ટીકર મેળવવા પડશે. ભારતમાં એક અંદાજ પ્રમાણે સાત કરોડ જેટલા ફાસ્ટેગ ઈશ્યૂ થયેલા છે અને પેટીએમનો દાવો છે કે તે ફાસ્ટેગમાં 30 ટકાથી વધારે બજાર હિસ્સો ધરાવે છે. એટલે કે તેના ગ્રાહકોની સંખ્યા બે કરોડથી વધારે થાય છે. જેમણે પેટીએમ પેમેન્ટ બેન્કની મદદથી ફાસ્ટેગ ખરીદ્યા હોય તેમની પાસે પોતાની ભૂલ સુધારવા માટે હજુ 14 દિવસનો સમય છે.

કઈ બેન્કના ફાસ્ટેગ ચાલશે?

ફાસ્ટેગને ખરીદવા માટે 32 બેંકના વિકલ્પો છે. પરંતુ તેમાં Paytm પેમેન્ટ બેંકનું નામ નથી. જે લોકોએ Paytmના ફાસ્ટેગ મેળવ્યા છે, તેમણે પોતાના ફાસ્ટેગ સરેન્ડર કરવા પડશે અને રજિસ્ટર્ડ બેંકમાંથી નવા ફાસ્ટેગ ખરીદવા પડશે. ફાસ્ટેગ માટેની માન્યતા પ્રાપ્ત બેન્કોમાં એરટેલ પેમેન્ટ્સ બેન્ક, અલ્હાબાદ બેન્ક, એયુ સ્મોલ ફાઇનાન્સ બેન્ક, એક્સિસ બેન્ક, બેન્ક ઓફ બરોડા, બેન્ક ઓફ મહારાષ્ટ્ર, કેનેરા બેન્ક, સેન્ટ્રલ બેંક ઓફ ઇન્ડિયા, સિટી યુનિયન બેન્ક, કોસ્મોસ બેન્ક, ઇક્વિટાસ સ્મોલ ફાઇનાન્સ બેન્ક, ફેડરલ બેન્ક, ફિનો પેમેન્ટ્સ બેન્ક, HDFC બેન્ક, ICICI બેન્ક, IDBI , IDFC ફર્સ્ટ બેન્ક, ઇન્ડિયન બેન્ક, ઇન્ડસઇન્ડ બેન્ક, J&K બેન્ક, કર્ણાટક બેન્ક, કરુર વૈશ્ય બેન્ક, કોટક મહિન્દ્રા બેન્ક, નાગપુર નાગરિક સહકારી બેન્ક, પંજાબ નેશનલ બેન્ક, સારસ્વત બેન્ક, દક્ષિણ ભારતીય બેન્ક, ભારતીય સ્ટેટ બેન્ક, થ્રિસુર જિલ્લા સહકારી બેન્ક, યુકો બેન્ક, યુનિયન બેન્ક ઓફ ઇન્ડિયા અને યસ બેન્કનો સમાવેશ થાય છે.