કોલકત્તા નાઈટ રાઈડર્સનો કેપ્ટન બન્યો શ્રેયસ અય્યર, નીતિશ વાઈસ કેપ્ટન
કોલકત્તા નાઈટ રાઈડર્સે આઈપીએલ-૨૦૨૪ માટે શ્રેયસ અય્યરને ટીમનો કેપ્ટન બનાવ્યો છે. પાછલી સીઝનમાં ટીમની કમાન સંભાળનારો નીતિશ રાણા આગામી સીઝનમાં વાઈસ કેપ્ટન તરીકે રમશે. આ પહેલાં પણ અય્યર કેકેઆરની કમાન સંભાળી ચૂક્યો છે. અય્યરે ઈજામાંથી સાજો થયા બાદ એશિયા કપ-૨૦૨૩માં વાપસી કરી હતી અને ત્યારબાદ તે શાનદાર ફોર્મમાં રમી રહ્યો છે.
કેકેઆરના સીઈઓ વેન્કી મૈસુરે જાહેરાત કરી કે આઈપીએલ-૨૦૨૪ માટે શ્રેયસ અય્યર કેકેઆરનો કેપ્ટન હશે અને નીતિશ રાણા વાઈસ કેપ્ટન હશે. અય્યર ઈજાને કારણે પાછલી સીઝન રમી શક્યો ન્હોતો જેના કારણે નીતિશ રાણાને ટીમની કમાન સોંપાઈ હતી. નીતિશની આગેવાનીમાં કેકેઆરની ટીમ આઈપીએલ-૨૦૨૩માં આઠમા ક્રમે રમી હતી.
