શિવ સેના ઉધ્ધવ જૂથના નેતા સંજય રાઉત કેવી મુશ્કેલીમાં મુકાયા ? વાંચો
- કોનું અપમાન કર્યું હતું ?
- શું લખ્યું હતું સામનામાં ?
શિવસેના ઉધ્ધવ જુથના નેતા અને રાજ્યસભાના સાંસદ સંજય રાઉત વારંવાર વિવાદિત નિવેદનો કરવા માટે જાણીતા છે અને હવે ફરી તેઓ મુશ્કેલીમાં ફસાયા છે. શિવ સેનાના મુખપત્ર સામનામાં વડાપ્રધાન નરેન્દ્ર મોદી વિરુદ્ધ લખેલા તેમના લેખે તેમને મુશ્કેલીમાં મુકી દીધા છે, તેમની વિરુદ્ધ યવતમાલ જિલ્લાના ઉમરખેડ પોલીસ સ્ટેશનમાં એફઆઇઆર નોંધવામાં આવી છે. જેમાં વડાપ્રધાન વિષે વાંધાજનક કોમેન્ટ કરાઇ હોવાનો આરોપ મુકાયો છે.
સામનામાં વડાપ્રધાન નરેન્દ્ર મોદી વિરુદ્ધ એક લેખ લખવામાં આવ્યો હતો. ભાજપના યવતમાલ સંયોજક નીતિન ભૂતડાની ફરિયાદના આધારે આ લેખ વિરુદ્ધ કેસ નોંધવામાં આવ્યો હતો. ભૂતડાનો આરોપ છે કે આ લેખમાં પીએમ મોદી વિરુદ્ધ વાંધાજનક શબ્દોનો ઉપયોગ કરવામાં આવ્યો છે.
