ફિલિપાઇન્સમાં 5.2 ની તીવ્રતાનો ભૂકંપ, કોઈ નુકસાની નથી
સવારે મહારાષ્ટ્રના હિંગોલીમાં ભૂકંપના હળવા આંચકા અનુભવાયા હતા. ત્યારબાદ ફિલિપાઈન્સમાં પણ ભૂકંપના આંચકા અનુભવાયા હતા. આ ભૂકંપ ફિલિપાઈન્સમાં માબિની મ્યુનિસિપાલિટીના ઉત્તર-પશ્ચિમમાં 7 કિલોમીટર દૂર આવ્યો હતો અને તેની તીવ્રતા રિક્ટર સ્કેલ પર 5.2 આંકવામાં આવી હતી. જો કે કોઈ નુકસાની થઈ નહતી અને કોઈ ઘાયલ પણ થયા નથી.
ભારતીય સમય પ્રમાણે આ ભૂકંપ સવારે 10:27 કલાકે આવ્યો હતો. યુનાઈટેડ સ્ટેટ્સ જિયોલોજિકલ સર્વે (યુએસજીએસ) એ પણ ફિલિપાઈન્સમાં આવેલા ભૂકંપની પુષ્ટિ કરી છે. છેલ્લા ઘણા સમયથી અલગ અલગ દેશોમાં અને ભારતમાં પણ કેટલાક રાજ્યોમાં ભૂકંપના આંચકા અનુભવાયા હતા.
