બીજા વાર’ માટે ભારત સજ્જ: આજે અફઘાન સામે મુકાબલો
બપોરે ૨ વાગ્યાથી દિલ્હીના જેટલી સ્ટેડિયમ પર ટક્કર શરૂ: અફઘાન ટીમની થઈ જશે અગ્નિપરીક્ષા
વિશ્વકપના પોતાના પ્રથમ મુકાબલામાં પાંચ વખતની ચેમ્પિયન ઑસ્ટે્રલિયાને ધૂળ ચાટતું કરી દેનારી ભારતીય ટીમ હવે બીજાવાર’ માટે તૈયાર થઈ ગઈ છે. ટીમ ભારત આજે દિલ્હીના અરુણ જેટલી સ્ટેડિયમ પર અફઘાનિસ્તાન સામે ટકરાશે.
આ મેચમાં ભારતના ટૉપ ઑર્ડરે તાકાત બતાવવી પડશે કેમ કે ઑસ્ટે્રલિયા સામેની મેચમાં માત્ર બે રનમાં જ ભારતના ત્રણ બેટરો આઉટ થઈ ગયા હતા. જો કે કોહલી-રાહુલે બાજી સંભાળી લઈ ટીમને જીતાડી હતી. દિલ્હીની પીચ સામાન્ય રીતે સ્પીનરોને મદદગાર થાય છે પરંતુ આફ્રિકા-લંકા વચ્ચે રમાયેલી મેચમાં અહીં બોલરો માટે કશું ખાસ જોવા મળ્યું ન્હોતું.
બીજી બાજુ બાંગ્લાદેશ વિરુદ્ધ હારનારી અફઘાન ટીમની ભારત સામે અગ્નિપરીક્ષા થઈ જશે. બાંગ્લાદેશના સ્પીનરો સામે ગુરબાજને બાદ કરતાં અન્ય બેટરો ફ્લોપ રહ્યા હતા.
