અફઘાનમાં ભૂકંપ, 14 ના મોત, 100 ઘાયલ

6.3 ની તીવ્રતાના ભૂકંપ બાદ 4 વખત ધરા ધ્રુજી, અનેક મકાનો પડી ગયા, ભારે તબાહી

અફઘાનિસ્તાનમાં ભૂકંપ આવ્યો હતો અને ત્યારબાદ ભારે આંચકા અનુભવાયા હતા. નેશનલ સેન્ટર ફોર સિસ્મોલોજીએ માહિતી આપતાં જણાવ્યું કે અડધા કલાકના ગાળામાં જ દેશમાં પાંચ વખત ભૂકંપના આંચકા અનુભવાયા હતા. રિક્ટર સ્કેલ પર તીવ્રતા 6.3 નોંધાઈ હતી.જેમાં 14 લોકોના મૃત્યુ થયા હતા અને 100 થી વધુ ઘાયલ થયા હતા ભૂંકપનું કેન્દ્ર અફઘાનિસ્તાનના પશ્ચિમ ક્ષેત્રમાં હતું.

અધિકારીઓએ કહ્યું હતું કે પશ્ચિમ અફઘાનિસ્તાનમાં ભૂકંપને લીધે અનેકના મોત થયા હતા . જ્યારે વધુ લોકો લોકો ઘવાયા હતા. ભૂકંપને લીધે અનેક જગ્યાએ ભુસ્ખલન થયું હતું અને અનેક ઈમારતો ધસી પડી હતી. ભૂકંપના ડરને લીધે લોકો ઘરોની બહાર દોડી આવ્યા હતા જેના અનેક વીડિયો સોશિયલ મીડિયા પર વાયરલ થયા હતા.

6.3 ની તીવ્રતાવાળા ભૂકંપ બાદ ક્રમશ: 5.5, 4.7, 6.3, 5.9 અને 4.6 ની તીવ્રતાવાળા ભૂકંપના આંચકા અનુભવાયા હતા જેના લીધે લોકો ફફડી ઊઠ્યા હતા અને નાસભાગ મચી ગઈ હતી. એક સ્થાનિકે કહ્યું કે નેટવર્ક કનેક્શન ઠપ થઇ ગયા હતા . મૃતકાંક વધી શકે છે કેમ કે ગ્રામીણ અને પર્વતીય વિસ્તારોમાં ભૂસ્ખલનની ઘટના બની છે. ભૂકંપને લીધે સેંકડો લોકોના મોતના અહેવાલ આવી શકે છે તેવી આશંકા વ્યક્ત કરવામાં આવી હતી.