વૈશ્વિક તણાવ વચ્ચે સોનાના ભાવમાં ઘટાડો, જાણો 22 કેરેટનો આજનો રેટ

વધતા ભૂરાજકીય તણાવ અને આંતરરાષ્ટ્રીય બજારમાં કાચા તેલની કિંમતોમાં આવેલા ઉછાળાના કારણે ભારતીય બુલિયન માર્કેટ પર મોટું દબાણ જોવા મળ્યું છે. સતત બીજા દિવસે સોનાની ચમક ઝાંખી પડી છે અને સ્થાનિક બજારમાં કિંમતોમાં ધડાધડ ઘટાડો નોંધાયો છે. જોકે, મધ્યપૂર્વમાં અમેરિકા અને ઈરાન વચ્ચે વધતી તણાવપૂર્ણ સ્થિતિને કારણે ફ્યુચર્સ માર્કેટ (MCX) માં નીચલા સ્તરેથી થોડો સુધારો પણ જોવા મળી રહ્યો છે. લગ્નસરા કે ખરીદીની મોસમ પહેલાં સોનાના ભાવમાં ઘટાડો થતાં ગ્રાહકો માટે ખરીદીની આ ઉત્તમ તક બની શકે છે. ચાલો જાણીએ આજે ૧૪ જુલાઈના રોજ દેશના મુખ્ય શહેરોમાં ૨૨ કેરેટ અને ૨૪ કેરેટ સોનાના છૂટક ભાવ શું રહ્યા છે.

મુખ્ય શહેરોમાં સોના-ચાંદીના આજના ભાવ

છૂટક બજારમાં 24 કેરેટ સૌથી શુદ્ધ અને 22 કેરેટ ઘરેણા માટે વપરાય છે. આજના મુખ્ય શહેરોના ભાવ:

નવી દિલ્હી 

સોનું 24 કેરેટ: ₹1,41,010 / 10 ગ્રામ 

સોનું 22 કેરેટ: ₹1,29,259 / 10 ગ્રામ 

ચાંદી: ₹2,17,950 / 1 કિલો

આ પણ વાંચો: છ દાયકા પહેલા ગીરમાંથી વિલુપ્ત થયેલા ‘ચિલોત્રા’ પક્ષી ફરી કલરવ કરતા થયાં

મુંબઈ 

સોનું 24 કેરેટ: ₹1,41,260 / 10 ગ્રામ 

સોનું 22 કેરેટ: ₹1,29,488 / 10 ગ્રામ 

ચાંદી: ₹2,18,330 / 1 કિલો

કોલકાતા 

સોનું 24 કેરેટ: ₹1,41,450 / 10 ગ્રામ 

સોનું 22 કેરેટ: ₹1,29,388 / 10 ગ્રામ 

ચાંદી: ₹2,18,640 / 1 કિલો

અમદાવાદ/ગુજરાત માટે અંદાજ 

મુંબઈ-દિલ્હીની આસપાસ જ રેટ રહે છે. 22 કેરેટ આજે ₹1,29,400 થી ₹1,29,500 ની રેન્જમાં રહેવાની શક્યતા.

અન્ય શહેરોના સોનાના ભાવ:   

બેંગલુરુ 22K: ₹1,33,183 

હૈદરાબાદ 22K: ₹1,29,763 

ચેન્નાઈ 22K: ₹1,29,938 

MCX માર્કેટ અપડેટ 

સ્થાનિક છૂટક બજારમાં ઘટાડા વચ્ચે, વૈશ્વિક ઘટનાક્રમોને કારણે વાયદા બજાર (MCX) માં સવારે મામૂલી તેજી જોવા મળી હતી:

MCX ગોલ્ડ: સવારે ૯:૧૩ વાગ્યે સોનાનો વાયદો ૦.૬૯% વધીને ₹૧૪૧,૫૫૦ પ્રતિ ૧૦ ગ્રામ પર ટ્રેડ થઈ રહ્યો હતો.

MCX સિલ્વર: ચાંદીના વાયદામાં પણ ૦.૪૬% નો વધારો જોવા મળ્યો હતો, જે ₹૨૧૮,૭૬૦ પ્રતિ કિલોગ્રામ ની સપાટી પર હતો.

સોનાના ભાવ ઘટવા અને તેલ વધવા પાછળના મુખ્ય વૈશ્વિક કારણો

૧. અમેરિકા–ઈરાન વચ્ચે યુદ્ધ જેવી સ્થિતિ અને ‘હોર્મુઝ ટોલ’ ટેક્સ

અમેરિકી પ્રમુખ ડોનાલ્ડ ટ્રમ્પ દ્વારા હોર્મુઝ સ્ટ્રેટ (Strait of Hormuz) માંથી પસાર થતા તમામ જહાજો પર ૨૦% કાર્ગો ફી લાદવાની યોજના જાહેર કરાતા કાચા તેલના ભાવ ભડકે બળ્યા છે. અમેરિકાએ ઈરાનના સૈન્ય ઠેકાણાઓ પર હુમલા કર્યા છે, તો સામે પક્ષે ઈરાને પણ બે તેલ ટેન્કરો પર હુમલો કરી ગલ્ફ દેશોને ચેતવણી આપી છે. આ સપ્લાય ચેઈન ખોરવાવાના ડરે બ્રેન્ટ ક્રૂડ ૨.૧૪% વધીને $૮૫.૧૧ પ્રતિ બેરલ પર પહોંચી ગયું છે, જેના લીધે વૈશ્વિક બજારોમાં અસ્થિરતા વધી છે.

૨. ચીનની નિકાસમાં રેકોર્ડબ્રેક ઉછાળો

બીજી તરફ, જૂન મહિનામાં ચીનની નિકાસમાં ૨0૨૧ પછીનો સૌથી ઝડપી એટલે કે ૨૭% નો ઉછાળો જોવા મળ્યો છે. વૈશ્વિક સ્તરે AI (આર્ટિફિશિયલ ઇન્ટેલિજન્સ) હાર્ડવેરની ભારે માંગ અને સંભવિત યુએસ ટેરિફથી બચવા માટે વેપારીઓએ કરેલી એડવાન્સ શિપમેન્ટના કારણે વૈશ્વિક અર્થતંત્રમાં મોટા ફેરફારો થઈ રહ્યા છે, જેની સીધી અસર કિંમતી ધાતુઓ પર પડી રહી છે.

ખાસ નોંધ: સામાન્ય રીતે ૨૪ કેરેટ સોનું સૌથી શુદ્ધ (૯૯.૯%) હોય છે અને તેનો ઉપયોગ બિસ્કિટ કે સિક્કા માટે થાય છે, જ્યારે દાગીના બનાવવા માટે ૨૨ કેરેટ સોનું સૌથી વધુ ટકાઉ અને પ્રચલિત માનવામાં આવે છે. ખરીદી કરતા પહેલાં સ્થાનિક ઝવેરી પાસે મેકિંગ ચાર્જિસ અને જીએસટી (GST) ની વિગતો ચોક્કસ તપાસી લેવી.