બોક્સ ઓફિસ પર ધૂમ મચાવી રહી છે શાહરૂખ ખાનની જવાન ફિલ્મ, ત્રણ દિવસમાં કરી શાનદાર કમાણી

આ ફિલ્મમાં નયનતારા શાહરૂખની સામે જોવા મળી રહી છે. બંનેની જોડી પડદા પર ઘણી સારી રીતે સ્થાપિત છે. પહેલીવાર ફિલ્મી પડદે જોવા મળેલી આ કેમેસ્ટ્રીને ચાહકો પણ પસંદ કરી રહ્યા છે. ફિલ્મમાં બતાવવામાં આવેલી એક્શનની પણ પ્રશંસા થઈ રહી છે. આ જ કારણ છે કે ત્રીજા દિવસે પણ બોક્સ ઓફિસ પર જવાનનું સારૂં પ્રદર્શન જોવા મળી રહ્યું છે.

ત્રીજા દિવસે કેટલી કમાણી થઈ

Sacnilkના અહેવાલ મુજબ ત્રીજા દિવસે એટલે કે શનિવારે, જવાને સ્થાનિક બોક્સ ઓફિસ પર અંદાજિત 74.5 કરોડ રૂપિયાની કમાણી કરી છે. જેમાં 66 કરોડ હિન્દી ભાષામાં, 5 કરોડ તમિલમાં અને 3.5 કરોડ તેલુગુનો સમાવેશ થાય છે. ત્રીજા દિવસે બમ્પર કમાણી કર્યા બાદ શાહરૂખ ખાનની ફિલ્મ 200 કરોડના ક્લબમાં સામેલ થઈ ગઈ છે.

આ ફિલ્મે પહેલા દિવસે 75 કરોડ રૂપિયા, બીજા દિવસે 53.23 કરોડ રૂપિયા અને ત્રીજા દિવસે 74.5 કરોડ રૂપિયાની કમાણી કરી હતી, જે કુલ બિઝનેસ 202.73 કરોડ રૂપિયા પર પહોંચી ગયો હતો. તમને જણાવી દઈએ કે રિલીઝ પહેલા જ અનુમાન લગાવવામાં આવી રહ્યું હતું કે આ ફિલ્મ બોક્સ ઓફિસ પર જોરદાર કમાણી કરશે. જવાન મુવી આશા પર સારી રહી છે.

ફિલ્મમાં શાહરૂખ ખાનનું પાત્ર

તમને જણાવી દઈએ કે આ ફિલ્મમાં શાહરૂખ ખાને ડબલ રોલ કર્યો છે. તેમની એક ભૂમિકા પિતાની છે અને બીજી ભૂમિકા પુત્રની છે. બંને પાત્રોમાં ફેન્સ તેને ખૂબ પસંદ કરી રહ્યા છે. ફિલ્મમાં વિજય સેતુપતિ વિલન તરીકે જોવા મળી રહ્યો છે. દીપિકા પાદુકોણ, સંજય દત્તે કેમિયો રોલ કર્યો છે. આ ઉપરાંત ફિલ્મમાં સુનીલ ગ્રોવર, સંજીતા ભટ્ટાચાર્ય, સાન્યા મલ્હોત્રા, રિદ્ધિ ડોગરા જેવા સ્ટાર્સ પણ જોવા મળ્યા છે.