ફ્લેટમાં જબરદસ્તી…સુપરહિટ ફિલ્મ ‘મંજુમ્મેલ બોયઝ’ના ડિરેક્ટર મુશ્કેલીમાં: ચિદમ્બરમ વિરુદ્ધ યૌન શોષણનો કેસ દાખલ
સાઉથ ફિલ્મ ઇન્ડસ્ટ્રીમાંથી એક ચોંકાવનારી ખબર સામે આવી છે, જેને મનોરંજન જગતમાં હલચલ મચાવી દીધી છે. સુપરહિટ ફિલ્મ મંજુમ્મેલ બોયઝના ડિરેક્ટર ચિદંબરમ કાનૂની વિવાદમાં ફસાયા છે. એક યુવા મહિલાની ફરિયાદના આધારે તેમના સામે યૌન ઉત્પીડનનો કેસ નોંધાયો છે. આરોપ છે કે ડિરેક્ટરે મહિલાના ફ્લેટમાં જબરદસ્તી પ્રવેશ કર્યો અને ખરાબ વર્તન કર્યું.
મીડયા રિપોર્ટ મુજબ આ મામલો વર્ષ 2022નો છે. ફરિયાદી મહિલાએ પોલીસને આપેલા નિવેદનમાં આરોપ લગાવ્યો કે ચિદંબરમ તેની પરવાનગી વગર ઘરમાં ઘુસી આવ્યા અને ખોટી નીયતથી દુર્વ્યવહાર કર્યો. મહિલાના જણાવ્યા મુજબ ઘટના એર્નાકુલમના એલામકુલમ વિસ્તારમાં આવેલ તેના ફ્લેટમાં બની હતી.
એર્નાકુલમ સાઉથ પોલીસે મહિલાના સત્તાવાર નિવેદનના આધારે FIR નોંધાવી છે. પોલીસ અધિકારીઓએ જણાવ્યું કે ફરિયાદમાં ઘટનાથી જોડાયેલા વિગતવાર આરોપો સામેલ છે અને હાલમાં મામલાની પ્રાથમિક તબક્કાની તપાસ ચાલી રહી છે.
ફિલ્મ નિર્માતાએ કોઈ જવાબ આપ્યો નથી.
અધિકારીઓના જણાવ્યા અનુસાર, ફરિયાદ નોંધાવનાર મહિલાએ કેસ દાખલ કરતા પહેલા પોતાનું નિવેદન નોંધ્યું હતું. તેમણે જણાવ્યું હતું કે ફિલ્મ નિર્માતાને પૂછપરછ માટે હાજર રહેવા માટે નોટિસ જારી કરવામાં આવશે. ચિદમ્બરમે હજુ સુધી આરોપોનો જવાબ આપ્યો નથી.
ચિદમ્બરમ એસ. પોડુવલનું વર્કફ્રન્ટ
ચિદમ્બરમ એસ. પોડુવલ બે ફિલ્મોનું દિગ્દર્શન કર્યું છે. “જાન એ મેન” 2021 માં રિલીઝ થઈ હતી. “મંજુમ્મેલ બોયઝ” 2024 માં રિલીઝ થઈ હતી. ₹20 કરોડના બજેટમાં બનેલી આ ફિલ્મે બોક્સ ઓફિસ પર ₹242.30 કરોડની કમાણી કરી હતી. આ ફિલ્મે તેમને ઓળખ અપાવી હતી.
મંજુમ્મેલ બોય્ઝની સફળતાથી ડિરેક્ટર થયા મશહૂર
2021 માં આવેલી ફિલ્મ ‘જાન.ઈ.મેન’ થી ડેબ્યૂ કરનાર ચિદમ્બરમને મંજુમ્મેલ બોય્ઝની સફળતા પછી રાષ્ટ્રીય સ્તરે ઓળખ મળી. વાસ્તવિક ઘટનાઓ પર આધારિત આ ફિલ્મ કોચી નજીક આવેલા એક નાના શહેરના મંજુમ્મેલના મિત્રોના જૂથની વાર્તા કહે છે, જેમના વેકેશન ત્યારે બગડે છે જ્યારે તેમાંથી એક તમિલનાડુના કોડાઈકનાલમાં ગુના ગુફાઓમાં 800 ફૂટ ઊંડા ખાડામાં પડી જાય છે.
મંજુમ્મેલ બોય્ઝ, જેનું બજેટ ₹20 કરોડ હતું, તે 2024ની સૌથી વધુ કમાણી કરનારી ભારતીય ફિલ્મોમાંની એક બની, જેણે વિશ્વભરમાં ₹240 કરોડથી વધુ કમાણી કરી.
