રનરેટનું ભૂત ધૂણ્યું: ટીમ ઈન્ડિયાએ ઝીમ્બાબ્વેને 77 રને હરાવવું પડશે, ટોપ-2માં આવવા માટે ZIM સામે આટલા રને જીતવું જરૂરી

વેસ્ટ ઈન્ડિઝને ઝીમ્બાબ્વેને કારમો પરાજય આપીને ભારતનું ટેન્શન વધારી દીધું છે. સુપર-8ના ગ્રુપ-1માં વિન્ડિઝ પહેલાં ક્રમે તો આફ્રિકા બીજા ક્રમે છે. હવે ભારતે ટોપ-2માં જગ્યા બનાવવા માટે ઝીમ્બાબ્વેને વિન્ડિઝ જેવો જ પરાજય આપવો પડશે.

ટીમ ઈન્ડિયાનો પહેલો લક્ષ્યાંક એ હશે કે પોતાના નેગેટિવ નેટ રનરેટને પોઝિટીવ કરવામાં આવે. આ માટે પણ માર્ગ કપરો છે. આફ્રિકા અને વેસ્ટ ઈન્ડિઝને નેટ રનરેટમાં પછાડવા માટે ભારતે વિચારવાનું જ બંધ કરી દેવું જોઈએ. તેનું કારણ એ છે કે ટીમ ઈન્ડિયાએ પોતાની નેટ રનરેટ પોઝિટીવ કરવા માટે ઝીમ્બાબ્વે વિરુદ્ધ પહેલાં બેટિંગ કરતાં 77 રને જીતવું પડશે.

જો ભારતીય ટીમ રન ચેઝ કરે છે તો ઉદાહરણ તરીકે 101 રન તેણે 7.1 ઓવરમાં ચેઝ કરવા પડશે. આ ઉપરાંત 11.3 ઓવરમાં 161 રન અને 12.5 ઓવરમાં 181 રનનો લક્ષ્યાંક હાંસલ કરવો પડશે.

આ પણ વાંચો:વિશ્વના સૌથી મોટા ડ્રગ ડોનનો અંત! મેક્સિકોના ખૂંખાર ડ્રગ ડોન અલ મેન્ચોના પતન માટે તેની સ્ત્રી મિત્ર જ નિમિત બની, જાણો સમગ્ર મામલો

જો ભારતીય ટીમ સફળ થાય છે તો માત્ર ટીમનો નેટ રનરેટ પ્લસ થશે. ટીમ પોઈન્ટ ટેબલમાં ત્રીજા સ્થાને રહેશે કેમ કે ભારતીય ટીમનો નેટ રનરેટ -3.800 છે. ઝીમ્બાબ્વેનો -5.350 છે. ભારતીય ટીમ જીતીને પણ ટોપ-2માં આવી નહીં શકે.

ભારતીય ટીમે બીજા સ્થાને આ મેચ બાદ પહોંચવું છે તો ઝીમ્બાબ્વેને 150 રનથી હરાવવું પડશે. ટી-20 વર્લ્ડકપમાં ભારતીય ટીમ ક્યારેય 100 રનથી જીતી શક્યું નથી.

વેસ્ટ ઈન્ડિઝ સામે આફ્રિકા જીતે એ પણ જરૂરી

સુપર-8માં આફ્રિકા સામે પરાજિત થતાં જ ભારતીય ક્રિકેટ ટીમની હાલત ખરાબ થઈ છે. હવે ભારતે બાકીની મેચ મોટા અંતરથી જીતવી પડશે સાથે અન્ય ટીમોના પરિણામ પર પણ નજર રાખવી પડશે. આવતીકાલે ગુરુવારે ભારત-ઝીમ્બાબ્વેની મેચ પહેલાં આફ્રિકા-વિન્ડિઝ વચ્ચે મેચ રમાવાની છે.

આ મેચમાં આફ્રિકા જીતે તેવી ભારતને આશા રહેશે. જો આફ્રિકા જીતશે તો ભારતને રાહત મળશે. વિન્ડિઝે જો આફ્રિકાને હરાવ્યું તો ભારતની આશા ઉપર પાણી ફરી વળશે. જો આમ બન્યું તો ઝીમ્બાબ્વે સામે પણ આફ્રિકા હારે તે ભારત માટે જરૂરી બની જશે.