ધોરણ 10-12 બોર્ડની પરીક્ષાનો રાજકોટ જિલ્લાનો એક્શન પ્લાન 12મીએ જાહેર થશે

ગાંધીનગરમાં રાજકોટ સહિત રાજ્યભરનાં ડી.ઈ.ઓ.ની મહત્વપૂર્ણ મિિંટગઃ સાંજ સુધીમાં શિક્ષણ બોર્ડ દ્વારા એક્શન પ્લાન જાહેર થાય તેવી સંભાવના

ગુજરાત શિક્ષણ બોર્ડ દ્વારા લેવાતી ધોરણ 10 અને 12 ની પરીક્ષાની તૈયારીઓનો ધમધમાટ ચાલી રહ્યો છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આજે સાંજ સુધીમાં એક્શન પ્લાન જાહેર થાય તેવી પ્રબળ સંભાવનાઓ છે જ્યારે રાજકોટ જિલ્લાનો એક્શન પ્લાન 12મી ફેબ્રુઆરીએ જાહેર કરવામાં આવશે તેમ ડી.ઈ. ઓ.એ જણાવ્યું હતું.
બોર્ડની પરીક્ષાના સંચાલન માટે આજે ગાંધીનગર ખાતે રાજ્યભરના તમામ જિલ્લા શિક્ષણ અધિકારીઓની મીટીંગ મળી રહી છે આ મિિંટગમાં પરીક્ષા કેન્દ્રની સુરક્ષા, સીસીટીવી મોનિટેિંરગ, પરીક્ષાર્થીઓ ને કોઈપણ અવ્યવસ્થા ન પડે તે સહિતની બાબતોને લઈને ચર્ચાઓ કરવામાં આવશે ત્યારબાદ શિક્ષણ બોર્ડ દ્વારા સાંજ સુધીમાં એક્શન પ્લાન રજૂ થશે.
રાજકોટમાં ધોરણ 10 અને 12 માં 78,390 વિદ્યાર્થીઓની સંખ્યા નોંધાય છે,બોર્ડની પરીક્ષા માટે રાજકોટ શહેર અને જિલ્લામાં 308 બિલ્ડીંગ અને 2753 બ્લોકની વ્યવસ્થા ગોઠવાઈ છે. ધોરણ 10 માં કુલ પાંચ ઝોન જેમાં ત્રણ ઝોન રાજકોટ શહેરમાં અને એક ઝોન ધોરાજી અને એક ઝોન જસદણમાં નક્કી કરવામાં આવ્યો છે,જ્યારે ધોરણ 12 માં કુલ પાંચ ઝોન જેમાં શહેરમાં ત્રણ અને ધોરાજી જસદણમાં એક એક ઝોનનો સમાવેશ થાય છે.