ટીમ ઈન્ડિયા બની ‘સિક્સર કિંગ’: ન્યુઝીલેન્ડ સામે પાંચ મેચમાં ઝૂડ્યા 69 છગ્ગા,મોટો વિશ્વ રેકોર્ડ તોડી નાખ્યો

ભારતીય ક્રિકેટ ટીમે ન્યુઝીલેન્ડને શ્રેણીની અંતિમ ટી-20 મેચમાં 46 રને હરાવ્યું હતું. આ મેચમાં પહેલાં બેટિંગ કરતા ટીમ ઈન્ડિયાએ 271 રન બનાવ્યા હતા. આ મેચમાં ભારતીય બેટરે માત્ર છગ્ગામાં જ વાત કરી હતી. એટલુ જ નહીં આખી સિરીઝમાં ટીમ ઈન્ડિયાના બેટરોએ 69 છગ્ગા લગાવતાં જ એક મોટો વિશ્વ રેકોર્ડ તોડી નાખ્યો હતો.

મેચમાં ઈશાન કિશને 42 બોલમાં જ પોતાની શાનદાર સદી પૂર્ણ કરી હતી જે ભારત માટે પાંચમી સૌથી ઝડપી સદી હતી. તેણે 43 બોલમાં 103 રન બનાવ્યા હતા. આ મેચમાં ટીમ ઈન્ડિયાએ કુલ 23 છગ્ગા લગાવ્યા હતા જેમાંથી દસ તો એકલા ઈશાન કિશને ફટકાર્યા હતા. આ શ્રેણીમાં ભારતે કુલ 69 છગ્ગા લગાવ્યા જે કોઈ દ્વિપક્ષીય ટી-20 શ્રેણીમાં કોઈ પણ ટીમ દ્વારા લગાવાયેલા સૌથી વધુ છગ્ગાનો નવો વિશ્વ રેકોર્ડ છે.

આ પણ વાંચો :પાકિસ્તાનનું વિચિત્ર ત્રાગુ: T-20 વર્લ્ડકપમાં ભારત સામે નહીં રમે! ભારતને રમ્યા વગર જ બે પોઈન્ટ મળી જશે
 પહેલાં આ રેકોર્ડ ઈંગ્લેન્ડ અને ઑસ્ટ્રેલિયાના નામે સંયુક્ત રીતે હતો. ઈંગ્લેન્ડે 2023માં વિન્ડિઝ વિરુદ્ધ પાંચ મેચની શ્રેણીમાં 64 છગ્ગા લગાવ્યા હતા જ્યારે ઑસ્ટ્રેલિયાએ 2025માં વિન્ડિઝ વિરુદ્ધ પાંચ મેચની શ્રેણીમાં 64 છગ્ગા લગાવ્યા હતા.

આ ઉપરાંત ભારતનો 271 રનનો સ્કોર ટી-20માં તેનો ત્રીજો સૌથી મોટો સ્કોર હતો. પહેલાં તેણે બાંગ્લાદેશ વિરુદ્ધ 297 અને આફ્રિકા વિરુદ્ધ 283 રન બનાવ્યા હતા.