બાબા રામદેવ ફરી મુશ્કેલીમાં! પતંજલિએ હલકી ગુણવત્તાનું ઘી વેંચતા કોર્ટે ફટકાર્યો દંડ, જાણો શું છે સમગ્ર મામલો

યોગ ગુરુ બાબા રામદેવની કંપની પોતાના કેટલાક ઉત્પાદનો માટે કોર્ટની ફટકારનો શિકાર બની હતી અને ફરીવાર પતંજલિ આયુર્વેદ લિમિટેડ પર હલકી ગુણવત્તાનું ગાયનું ઘી વેચવાનો આરોપ લાગ્યો છે, જેના કારણે કોર્ટના આદેશ પર ઘીના તમામ મુખ્ય જવાબદાર એકમો (કંપની, હોલસેલર અને રિટેલર) પર કુલ રૂપિયા 1.40 લાખનો દંડ ફટકારવામાં આવ્યો છે. જો કે, પતંજલિએ આ આદેશને ખામીવાળો અને કાયદા વિરુદ્ધ ગણાવીને પોતાનો બચાવ કર્યો છે. પતંજલિએ ફૂડ સેફ્ટી ટ્રિબ્યુનલમાં અપીલ કરી છે.

આ સમગ્ર મામલો ઉત્તરાખંડના પિથોરાગઢનો છે, જ્યાં અધિક જિલ્લા મેજિસ્ટ્રેટ કોર્ટે રાજ્ય અને કેન્દ્રીય પ્રયોગશાળામાં ઘીના નમૂના નિષ્ફળ ગયા બાદ પતંજલિ ઘીના નિર્માતા, હોલસેલર અને રિટેલર પર અનુક્રમે રૂપિયા 1.25 લાખ અને રૂપિયા 15 હજાર દંડ ફટકાર્યો છે. પિથોરાગઢના સહાયક ખાદ્ય સુરક્ષા કમિશનર આર.કે. શર્માના જણાવ્યા અનુસાર ખાદ્ય સુરક્ષા અધિનિયમની કલમ 46/4 હેઠળ કેસ દાખલ કરવામાં આવ્યો હતો અને કોર્ટે 19 નવેમ્બરે આ ચુકાદો આપ્યો છે.

આ પણ વાંચો :રણદીપ હુડા-લિનની બીજી એનિવર્સરી પર ડબલ સેલિબ્રેશન : કપલ ટૂંક સમયમાં માતા-પિતા બનશે,એક્ટરે પોસ્ટ શેર કરીને આપી ગુડ ન્યૂઝ

ઘીના નમૂના ઑક્ટોબર 2020માં લેવામાં આવ્યા હતા, જે રુદ્રપુરની રાજ્ય ખાદ્ય પ્રયોગશાળામાં નિષ્ફળ ગયા હતા. વેપારીઓની વિનંતી પર સપ્ટેમ્બર 2021માં કેન્દ્ર સરકારની પ્રયોગશાળામાં કરાયેલા ટેસ્ટમાં પણ 2022માં નમૂના નિષ્ફળ જાહેર થયા હતા. આ પછી, 17 ફેબ્રુઆરી, 2022ના રોજ કોર્ટમાં કેસ દાખલ કરાયો હતો, જેનો નિર્ણય 19 નવેમ્બરે આવ્યો હતો.કોર્ટના આદેશ પર સ્પષ્ટતા આપતા પતંજલિ આયુર્વેદ લિમિટેડે જણાવ્યું કે, ‘આ આદેશ ઘણા કારણોસર કાયદાકીય દૃષ્ટિએ અમાન્ય છે. કંપનીએ મુખ્ય દલીલો રજૂ કરી છે.