Wedding 2.0:સ્ટાર સિંગર્સ-લાઈવ મ્યુઝિક સાથે રાજકોટમાં લગ્નોની ધૂમ: ભૂમિ ત્રિવેદી સહિતના સ્ટાર સિંગર્સ કરશે બોલિવુડ નાઈટમાં પર્ફોર્મન્સ
રાજકોટમાં હવે લગ્ન પ્રસંગોમાં પરંપરાગત સાથે પાર્ટી ટ્રેન્ડ વધી ગયો છે, એન્ટરટેઇનમેન્ટમાં પણ રાજકોટની અલગ ઓળખ બની રહી છે. છેલ્લા થોડા સમયથી શહેરમાં વેડિંગ 2.0 કોન્સેપ્ટ જોરદાર ચર્ચામાં છે, જેમાં લાઈવ મ્યુઝિક કોન્સર્ટ, બોલિવુડ નાઇટ, સ્ટાર સિંગર્સના પર્ફોર્મન્સ, હાઈટેક લાઈટિંગ, ડ્રોન શો અને સિનેમેટિક એન્ટ્રીનું ગજબનું કોમ્બિનેશન જોવા મળે છે.
બે દિવસ પૂર્વે રાજકોટમાં એક બિઝનેસમેનને ત્યાં ભવ્ય લગ્નોત્સવમાં મીત બ્રધર્સના પર્ફોર્મન્સે મહેમાનોને ઝૂમી ઊઠવા મજબૂર કરી દીધા હતા. બેબી ડોલ, હેંગઓવર, હાઈ હીલ્સ, ચિટિયા કલાઈઆ જેવી હિટ સોંગ્સ સાથે સમગ્ર વેન્યુ મ્યુઝિકલ ફેસ્ટિવલમાં બદલાઈ ગયો હતો.
આ સપ્તાહે ફરી એકવાર રાજકોટમાં સ્ટાર પાવરની ધૂમ જોવા મળશે. “રામ ચાહે લીલા” ફેમ ભૂમિ ત્રિવેદી, સાથે જાણીતી પ્લેબેક સિંગર પ્રિયંકા ખેર, રૂપાલી જગ્ગા સહિતના બોલિવુડ સ્ટાર ગાયકો લગ્ન પ્રસંગોમાં લાઈવ પર્ફોર્મન્સ આપી મહેમાનોને મંત્રમુગ્ધ કરશે. શહેરમાં થયેલા ડેસ્ટિનેશન વેડિંગ જેવા સેટઅપમાં હજારો વોટના ઓડિયો-વિઝ્યુઅલ ઇફેક્ટ્સ, 3D લાઈટિંગ અને મેગા સ્ટેજ ડિઝાઇન તૈયાર થઈ રહી છે.
આ પણ વાંચો :કિયારા અને સિદ્ધાર્થ મલ્હોત્રાની દીકરીની પહેલી તસવીર આવી સામે : કપલે લાડકવાયીનું નામ કર્યું રિવિલ,જાણો શું છે નામનો અર્થ
ઈવેન્ટ કંપનીઓ જણાવે છે કે,હવે લોકો પોતાના લગ્નને માત્ર વિધિ ન રાખી, પણ “લાઈફ ટાઈમ સેલિબ્રેશન શો” બનાવવા માટે કરોડોનું બજેટ ખર્ચે છે. યુવા કપલ્સ રીલ,પ્રી વેડિંગ, બ્રાઈડ અને ગ્રૂમના કોરિયોગ્રાફ્ર પર્ફોર્મન્સ અને સેલિબ્રિટી અપીરન્સને પ્રાથમિકતા આપે છે. રાજકોટના લગ્ન હવે માત્ર સાત ફેરા સુધી નથી, પરંતુ મ્યુઝિકલ ગ્લેમર અને સ્ટાર પાવરની ધૂમ સાથે એક ગ્રાન્ડ એન્ટરટેઇનમેન્ટ નાઈટ બની ચૂક્યા છે. નવદંપતી અને પરિવાર લગ્નને યાદગાર બનાવવા માટે કરોડો રૂપિયાનું પ્રોડક્શન લેવલ સેટઅપ, લાઈવ મ્યુઝિકલ નાઈટ, રોકિંગ ડાન્સ પરફોર્મન્સ અને લોકલથી લઈને બોલિવુડ સ્ટાર સિંગર્સને ખાસ બોલાવવાનો નવા ટ્રેન્ડ આવી રહ્યો છે.
