ડ્રાઈવરને ઊંઘ આવશે તો કાર જ આપશે એલર્ટ : બ્રેક પણ ઓટોમેટિક લાગી જશે,ન્યુ કાર એસેસમેન્ટ પ્રોગ્રામનો મુસદ્દો જાહેર

કેન્દ્ર સરકાર માર્ગ અકસ્માત અટકાવવા માટે નવી કારમાં નવા ફીચર્સ જોડવા ફરજિયાત કરવાની તૈયારીમાં છે. આ માટે કારમાં દુર્ઘટનાનું જોખમ માપવા માટે જે રેટિંગ આપવામાં આવે છે તેમાં પણ બદલાવ કરવામાં આવશે. સુત્રોના જણાવ્યા અનુસાર, સામાન્ય કારમાં ડ્રાઈવરને ઊંઘ આવે કે પછી કારની સામે કોઈ વ્યક્તિ કે અન્ય કોઈ અવરોધ આવે તો આપોઆપ એલર્ટ મળે તેવી વ્યવસ્થા કરવામાં આવશે.

કેન્દ્રના માર્ગ પરિવહન મંત્રાલયે નવા કાર એસેસમેન્ટ પ્રોગ્રામ-૨ના મુસદ્દામાં ઘણા નવા માપદંડ સામેલ કર્યા છે. આ સંદર્ભે લોકો અને હિત ધારકો પાસેથી 20 ડીસેમ્બર સુધીમાં સૂચનો પણ માગ્યા છે. હાલમાં સ્ટાર રેટિંગનાં જે માપદંડ છે તેનાથી વધુ કડક અને ગ્લોબલ અને આસિયાન જેવા આંતરરાષ્ટ્રીય માનકો 2027ના અંત સુધીમાં લાગુ કરવામાં આવશે.

આ બદલાવ અંતર્ગત કારની સુરક્ષાને માત્ર ક્રેશ ટેસ્ટ સુધી સીમિત નહી રાખવામાં આવે પણ સુરક્ષાના તમામ ઉપાયોને 360 ડીગ્રીના દ્રષ્ટિકોણથી માપવામાં આવશે.

આ પણ વાંચો :લગ્નેતર સંબંધની મુશ્કેલીનો જીવંત કિસ્સો! અનૈતિક સંબંધથી બાળક જન્મ્યું, પ્રેમીએ પિતા તરીકે લખાવ્યું એવું નામ કે માતા પણ ચોંકી ઉઠી!

નવા માપદંડમાં બે ને બદલે પાંચ ક્રેશ ટેસ્ટ કરવામાં આવશે. કાર જયારે અથડાય ત્યારે હાલમાં ફ્રન્ટ અને રીયર ઈમ્પેક્ટ ઉપરાંત ફૂલ વિડ્થ ફ્રન્ટ, ચાલુ કાર સાથે અથડામણ અને થાંભલા સાથે અથડાવાની અસરની પણ સમીક્ષા થશે .

આ ઉપરાંત આગ અને વીજળીનું જોખમ ઓછું કરવાના ઉપાયો, યાત્રીઓને સુરક્ષિત બહાર કાઢવાની આસાન સીસ્ટમ તથા ઓટો ઈમરજન્સી કોલ જેવા ઉપાયોની શક્યતા પણ ચકાસવામાં આવશે.

પગપાળા જતા લોકો અથવા ટુ-વ્હીલર ઉપર જતા લોકોને બચાવવા માટે બમ્પર, બોનેટ અને વિન્ડશિલ્ડને એવી રીતે ડીઝાઇન કરવામાં આવશે કે આવા લોકોને ઓછી ઈજા થાય.

આ હશે ફીચર્સ

• પગપાળા જતા યાત્રીઓ માટે એલર્ટ
• ઓટો ઈમરજન્સી બ્રેક
• ઊંઘ અથવા બેધ્યાન થવા ઉપર એલર્ટ
• બ્લાઇન્ડ સ્પોટ એલર્ટ
• સાઈડ એરબેગ્સ
• સ્ટેબીલિટી કંટ્રોલ
• સીટ બેલ્ટ એલર્ટ