આ જગતમાં પિતા અને પુત્રીનો સબંધ અત્યંત પવિત્ર માનવામાં આવે છે ત્યારે સુરતમાં પિતા-પુત્રીના સબંધને લાંછન લગાડતો કિસ્સો સામે આવ્યો છે જેમાં સાવકા પિતાએ દીકરી પર દુષ્કર્મ આચરતા ચકચાર મચી જવા પામી છે. નરાધમ 4 વર્ષથી પુત્રી પર દુષ્કર્મ આચરતો હતો ત્યારે સગીરાએ વીડિયો ઉતારીને માતાને બતાવતા પિતાનો ભાંડો ફૂટ્યો હતો અને આ મામલે માતાએ પોલીસ ફરિયાદ નોંધાવતા પોલીસે આરોપી પિતાની ધરપકડ કરીને વધુ તપાસ હાથ ધરી છે.
મળતી વિગતો અનુસાર આ ઘટના સુરતના કાપોદ્રા વિસ્તારની છે જ્યાં બાળકીની માતા લિવ ઇન રીલેશનશીપમાં રાજુ અજોધ્યા સાથે રહેતી હતી. સાવકા પિતાએ 12 વર્ષની પુત્રી પર નજર બગાડી હતી. નરાધમ ઘરે કોઈ ના હોય ત્યારે સગીર બાળકીને હવસનો શિકાર બનાવતો હતો. સગીરા ઘરેથી બહેનપણીને ત્યાં ચાલી ગઈ હતી. આથી માતાએ આ બાબતે પૂછ્યું ત્યારે સાવકા પિતાની ગંદી હરકતોની પોલ ખુલ્લી પડી હતી. કાપોદ્રા પોલીસે સાવકા પિતા રાજુ યાદવની સામે રેપ અને પોક્સો એક્ટની કલમો હેઠળ ગુનો નોંધી ધરપકડ કરી છે.
સગીરાએ તેની બહેનપણીને કહેતા તેની મદદથી પિતા દુષ્કર્મ ગુજારતો તેવો વીડિયો બનાવ્યો હતો અને સગીરાએ વીડિયો માતાને બતાવતા માતાને બતાવતા આરોપી સામે માતાએ પોલીસ ફરિયાદ નોંધાવી હતી અને આ મામલે કાપોદ્રા પોલીસે બળાત્કાર ગુજારનાર નરાધમ રાજુ અજોધ્યાની ધરપકડ કરી હતી અને પોક્સો એક્ટ હેઠળ ગુન્હો નોંધીને વધુ તપાસ હાથ ધરી છે.
