ભારતના 68 સહીત સાઉદીમાં 900થી વધુ હજયાત્રિકોના ભયંકર ગરમીથી મોત

આ વખતે હજયાત્રા દુનિયાભરના હાજીઓ માટે ભારે પડકારજનક બની ગઈ છે. સાઉદી અરબમાં મક્કા અને મદીના શરીફની હજયાત્રા માટે લાખો શ્રદ્ધાળુઓ દુનિયાભરમાંથી એકઠાં થયા છે. આ દરમિયાન ભીષણ ગરમીને કારણે હજયાત્રીઓની હાલત દયનીય થઈ ગઇ છે. સાઉદી અરેબિયામાં ગરમીના કારણે અત્યાર સુધીમાં 900થી વધુ હાજીઓના મોત થયા છે, જેમાં ભારતના 68 લોકોનો સમાવેશ થાય છે. ગુમ થયેલા હજયાત્રીઓના શોધવામાં પરિવારજનોને ભારે મુશ્કેલીનો સામનો કરવો પડી રહ્યો છે. ગુમ થયેલા હજ યાત્રીઓના સંબંધીઓ હોસ્પિટલોમાં તેમના પ્રિયજનોને શોધી રહ્યા છે. અહીં મક્કામાં તાપમાન 51.8 ડિગ્રી સુધી પહોંચવાને કારણે સૌથી વધુ મૃત્યુ થયા છે. આ વર્ષે લગભગ 18 લાખ લોકોએ હજમાં ભાગ લીધો હતો.

જો કે, સાઉદી અરેબિયાથી વિપરીત, મૃત્યુની સંખ્યા અંગે હજુ સુધી કોઈ પુષ્ટિ કરવામાં આવી નથી. મધ્ય પૂર્વમાં આકરી ગરમી વચ્ચે મક્કામાં 17 જૂને તાપમાન 51.8 ડિગ્રી સેલ્સિયસ નોંધાયું હતું. જ્યારે 18મી જૂને ગરમીનો પારો 47 ડિગ્રીએ રહેતાં થોડી રાહત મળી હતી.

અહેવાલ મુજબ, 12 થી 19 જૂન સુધી ચાલનારી હજ દરમિયાન 68 ભારતીય હજયાત્રીઓના પણ મોત થયા છે. હજ કમિટી ઓફ ઈન્ડિયાના જણાવ્યા અનુસાર આ વર્ષે મહત્તમ 1,75,000 ભારતીયો હજ યાત્રા માટે મક્કા પહોંચ્યા હતા. કેરળના હજ મંત્રી અબ્દુરહીમાને બુધવારે કેન્દ્ર સરકારને ભારતીયોની સુરક્ષા માટે જરૂરી પગલાં ભરવાની માંગ કરી હતી.

સાઉદી નેશનલ સેન્ટર ફોર મેટ્રોલોજીના જણાવ્યા અનુસાર, મક્કાની આસપાસના પવિત્ર સ્થાનો ભયંકર ગરમી અને ગૂંગળામણભર્યા ગરમ હવામાનનો લોકો અનુભવ કરી રહ્યા છે. 50 ડીગ્રીની આસપાસનું તાપમાન ખાસ કરીને વૃદ્ધ હાજીઓ માટે અસહ્ય બની રહ્યું છે અને ગરમીના કારણે તેઓ બેભાન થઈ રહ્યા છે. નોંધણી વગર આવતા લોકો પણ હાજીઓના ગુમ થવાનું અને યોગ્ય રહેઠાણ અને સારવાર ન મળવાનું મુખ્ય કારણ છે. આવા લોકોને સરકાર તરફથી એર કંડિશનની સુવિધા નથી મળી રહી, જેના કારણે તેઓ વધુ બીમાર થઈ રહ્યા છે.

કેરળમાંથી 18.2 હજાર લોકો હજ કરવા ગયા હતામીડિયા રિપોર્ટ્સ અનુસાર, આ માટે તેણે વિદેશ મંત્રી એસ જયશંકર અને જેદ્દાહમાં ભારતીય વાણિજ્ય દૂતાવાસને પત્ર લખ્યો હતો. કેરળના લગભગ 18 હજાર 200 હાજીઓ સાઉદી અરેબિયા ગયા હતા.

મંત્રી અબ્દુર્રહીમાને લખ્યું કે જેદ્દાહ પહોંચ્યા બાદ હજયાત્રીઓને ઘણી સમસ્યાઓનો સામનો કરવો પડ્યો હતો. તેમને 30 કિમી દૂર અસિસી જવા માટે કલાકો સુધી રાહ જોવી પડી. આ સિવાય ત્યાં રહેવાની વ્યવસ્થા પણ યોગ્ય રીતે કરવામાં આવી ન હતી.

એએફપીના જણાવ્યા અનુસાર મૃત્યુ પામેલા શ્રદ્ધાળુઓમાં ઈન્ડોનેશિયા, જોર્ડન, ઈરાન અને ટ્યુનિશિયાના નાગરિકો છે. સાઉદી રાજદ્વારીઓએ સમાચાર એજન્સી એએફપીને જણાવ્યું હતું કે મૃત્યુ પામેલા લોકોમાં ઇજિપ્તીયન યાત્રાળુઓની સંખ્યા વધુ છે કારણ કે તેમાંથી ઘણાએ હજ માટે નોંધણી કરાવી ન હતી.

વિઝા વગર પણ યાત્રીઓ હજ માટે પહોંચી રહ્યા છે સાઉદી અરેબિયા

દર વર્ષે હજારો હજયાત્રીઓ હજ પર જતા હોય છે જેમની પાસે તેના માટે વિઝા નથી. પૈસાના અભાવે આવા પ્રવાસીઓ ખોટા માર્ગે મક્કા પહોંચી જાય છે. આ મહિનાની શરૂઆતમાં સાઉદી અરેબિયાએ મક્કામાંથી હજારો અનરજિસ્ટર્ડ હજ યાત્રીઓને હટાવી દીધા હતા. સાઉદી અરેબિયાના અધિકારીઓના જણાવ્યા અનુસાર, મક્કા પર ક્લાઈમેટ ચેન્જની ઊંડી અસર થઈ રહી છે. અહીંનું સરેરાશ તાપમાન દર 10 વર્ષે 0.4 ડિગ્રી સેલ્સિયસ વધી રહ્યું છે. ગયા વર્ષે 240 હજ યાત્રીઓ હજ પર મૃત્યુ પામ્યા હતા. આમાંના મોટાભાગના ઇન્ડોનેશિયાના હતા. આ વર્ષે લગભગ 18 લાખ હજ યાત્રીઓ હજ માટે પહોંચ્યા છે. તેમાંથી 16 લાખ લોકો અન્ય દેશોના છે.