આખરે અજય દેવગણની ફિલ્મ “મૈદાન” ઓટીટી પર થઈ રિલીઝ
એમેઝોન પ્રાઇમ વિડીયો પર ઘરબેઠા જોઈ શકાશે: ફૂટબોલ કોચના રૂપમાં જોવા મળશે અજય દેવગણ
અજય દેવગણના ફેન્સ માટે સારા સમાચાર આવ્યા છે. ફિલ્મ “મૈદાન”એ બોક્સ ઑફિસ પર શાનદાર કલેક્શન કર્યા બાદ હવે ઓટીટી પ્લેટફોર્મ પર આવી ગઈ છે. આ ફિલ્મ શરૂઆતમાં દર્શકોને પસંદ આવી ન હતી. જો કે, એક સપ્તાહ બાદ ફિલ્મે તાબડતોડ કમાણી કરીને રેકોર્ડ પોતાના નામે કર્યો હતો. આ ફિલ્મમાં અજય દેવગણે ફૂટબોલ કોચનું પાત્ર ભજવ્યું છે.
દર્શકો છેલ્લા ઘણા સમયથી ફિલ્મ મૈદાન ઓટીટી પર આવે તેની રાહ જોઈને બેઠા હતા. જે લોકોએ થિયેટરમાં આ ફિલ્મ નથી જોઈ તે લોકો હવે ઘર બેઠા આ ફિલ્મ જોઈ શકશે. ફિલ્મ મૈદાનને ઓટીટી પ્લેટફોર્મ એમેઝોન પ્રાઇમ વિડીયો પર 5 જૂનના રોજ રિલીઝ કરી દેવામાં આવી છે. ફિલ્મના ડાયરેક્ટર અમિત શર્મા અને અજય દેવગણના ખૂબ વખાણ કરવામાં આવી રહ્યા છે.
ફિલ્મ વિશે જણાવીએ તો મૈદાનમાં અજય દેવગણે સૈયદ અબ્દુલ રહીમનું પાત્ર ભજવ્યું છે. જે 1952 અને 1962 દરમિયાન ભારતના ફૂટબોલ કોચ રહ્યા હતા. આ ફિલ્મે લાખો દર્શકોના દિલ જીત્યા છે. મૈદાનએ અંદાજે રૂ.52.29 કરોડનું લાઈફટાઈમ કલેક્શન કર્યું હતું. હવે આ ફિલ્મ એમેઝોન પ્રાઇમ પર તમે જોઈ શકશો.