‘બિગ બોસ’ OTT 3’ને હોસ્ટ કરશે આ સ્ટાર અભિનેતા, આ તારીખે થશે શોનું પ્રીમિયર
જ્યારથી બીગ બોસની શરુઆત થઇ છે ત્યારથી જ તેણે દર્શકોના દિલ પર જાદુ કરી દીધા છે. આ શોના ટીવી અને ઓટીટી બંને વર્ઝનને પ્રેક્ષકો દ્વારા સારો પ્રતિસાદ મળ્યો છે. ફરી એકવાર શો દર્શકોના મનોરંજન માટે તૈયાર છે. ભારતના સૌથી મોટા ડિજિટલ રિયાલિટી શો ‘બિગ બોસ’ OTTની ત્રીજી સીઝન ટૂંક સમયમાં પ્રીમિયર થવા જઈ રહી છે. તે 21 જૂન 2024 ના રોજ Jio સિનેમા પ્રીમિયમ પર પ્રીમિયર થશે. અત્યારસુધી તમે આ શોને હોસ્ટ કરતા સલમાન ખાનને જ જોયા હશે. થોડા દિવસો પહેલા, શોના નિર્માતાઓએ આ વખતે શોના હોસ્ટને લઈને ઘણું સસ્પેન્સ બનાવ્યું હતું, ત્યારબાદ દર્શકોમાં શોને લઈને ઉત્સુકતા વધુ વધી ગઈ હતી. ત્યારે હવે શોના હોસ્ટ કોણ હશે તે સસ્પેન્સ સમાપ્ત થઇ ચુક્યું છે.
અનિલ કપૂર ‘બિગ બોસ’ OTT 3 ના હોસ્ટ હશે
હવે જિયો સિનેમા દ્વારા ઇન્સ્ટાગ્રામ પર એક પોસ્ટ કરવામાં આવી છે, જેમાં આ સિઝનના હોસ્ટની સત્તાવાર જાહેરાત કરવામાં આવી છે. એક્ટર અનિલ કપૂર ‘બિગ બોસ’ OTTની આ ત્રીજી સીઝન હોસ્ટ કરવા જઈ રહ્યો છે. તે ટૂંક સમયમાં બિગ બોસના ઘરમાં પોતાનો ચાર્મ ફેલાવતા જોવા મળશે. ઇન્સ્ટાગ્રામ પર અનિલ કપૂર સાથેની પોસ્ટ શેર કરતી વખતે Jio સિનેમાએ લખ્યું, “અનિલ કપૂર અહીં બિગ બોસ OTT 3ના નવા હોસ્ટ તરીકે છે. મોટા પડદા પર રાજ કર્યા પછી, અનિલ હવે બિગ બોસના ઘરમાં રાજ કરવા આવી રહ્યા છે.” માત્ર Jio સિનેમા પર. 21મી જૂનથી શરૂ થશે Bigg Boss OTTમાં તેમનો જાદુ જુઓ.
‘બિગ બોસ’ ને લઈને અનીલ કપૂરની પ્રતિક્રિયા
![](https://voiceofdaynews.com/wp-content/uploads/2024/06/image-12.png)
અનિલ કપૂરે ‘બિગ બોસ’ OTT હોસ્ટ કરવા પર પ્રતિક્રિયા આપી છે. તેણે કહ્યું, “બિગ બોસ ઓટીટી અને હું એક ડ્રીમ ટીમ છીએ. અમે બંને દિલથી યુવાન છીએ. મને એવું લાગે છે કે હું શાળામાં પાછો આવ્યો છુ અને આ કંઇક નવું અને રોમાંચીક કરવાનો પ્રયાસ છે.
અનિલ ‘બિગ બોસ’ OTT 3માં ધૂમ મચાવવા આવશે અનીલ કપૂર
આ શો વિશે પોતાનો ઉત્સાહ વ્યક્ત કરતા અભિનેતાએ કહ્યું, “મેં હંમેશા મારા તમામ પ્રોજેક્ટ ઈમાનદારી અને સખત મહેનત સાથે કર્યા છે અને હું બિગ બોસમાં દસ ગણી ઉર્જા લાવીશ. આ અનોખા શોમાં હાસ્ય, ડ્રામા અને ટ્વિસ્ટ છે. સ્ક્રિપ્ટેડ રિયાલિટી શોમાં હું ધૂમ મચાવવા માટે હવે રાહ જોઈ શકતો નથી.” અનીલ કપૂરના આ શબ્દો પરથી કહી શકાય કે તે બીગ બોસ માટે કેટલા એક્સાઈટેડ છે.