“રાણા નાયડુ સિઝન-2”માં અર્જુન રામપાલની એન્ટ્રી
ખતરનાક લુકમાં વધારી રહ્યો છે દર્શકોનો ઉત્સાહ
વર્ષ 2023માં રિલીઝ થયેલી એક્શન ક્રાઇમ ડ્રામા સિરીઝ “રાણા નાયડુ” સમાચારની હેડલાઇનમાં રહી હતી. ગત વર્ષે ઓટીટી પ્લેટફોર્મ નેટફલિકસ પર સૌથી વધુ જાણીતી અને સૌથી વધુ જોવાયેલી એક શોમાં સામેલ હતી. હવે તેની બીજી સિઝન પણ ધમાલ મચાવવા તૈયાર છે.
ગત વર્ષે આવેલી સિરીઝ ‘રાણા નાયડુ”માં રાણા (રાણા દગ્ગુબાટી) અને નાગા નાયડુ (વેંકટેશ)ના રૂપમાં પિતા અને પુત્રની અનોખી કેમીસ્ટ્રી જોવા મળી હતી. હવે બીજી સિઝનમાં બોલીવુડ સ્ટાર અર્જુન રામપાલની પણ એન્ટ્રી થઈ રહી છે. નિર્માતાએ મંગળવારે એક વિડીયો જાહેર કર્યો હતો. જેમાં રાણા અને વેંકટેશની સાથે અર્જુન રામપાલ ખૂંખાર રૂપમાં જોવા મળે છે.
“રાણા નાયડુ સિઝન-2”માં અર્જુન રામપાલનું પાત્ર શું હશે તે અંગે હજુ કોઈ જાણકરી સામે આવી રહી નથી. પરંતુ કાળા કપડાં અને બંદૂક સાથે નિશાન લગાવતો તેનો ખતરનાક લુક ઉત્સાહ વધારવા માટે ઘણો છે. તમને જણાવી દઈએ કે, પહેલી સિઝનમાં વેંકટેશનું પાત્ર જેવી રીતે ગાળો બોલે છે તેણે ભારતીય દર્શકોને થોડા હેરાન કર્યા હતા. જો કે તેની સાથે હૈદરાબાદી ભાષાકીય ઝલકના ઘણા વખાણ થયા હતા.
એક કોલેજમાં પોતાની ફિલ્મ સૈંધવના પ્રમોશન કરતાં સમયે વેંકટેશએ રાણા નાયડુ સિઝન-2 વિશે પ્રશ્ન પૂછવામાં આવતા તેણે કહ્યું હતું કે, નવી સિઝનમાં અનેક ટ્વીસ્ટ છે જે દર્શકોને દિવાના બનાવી દેશે.