વડાપ્રધાન મોદીની વધુ એક પ્રભાવક સિધ્ધી શું છે ? જુઓ
ફાલ્ગુની શાહ અને પતિ ગૌરવ શાહ સાથે ગીતમાં મોદીજી પણ દેખાય છે
વોઇસ ઓફ ડે નવી દીલ્હી
વડાપ્રધાન નરેન્દ્ર મોદી એક શ્રેષ્ટ શાસક સાથે એક પ્રભાવક લેખક અને વિચારક તરીકેની પ્રતિષ્ઠા પણ ધરાવે છે અને એમના સર્જનને વૈશ્વિક વાહવાહી પણ મળી ચૂકી છે. આ વર્ષના ગ્રેમી એવોર્ડ માટે નોમિનેશનમાં અબ્યુડન્સ ઇન મિલેટ્સનો સમાવેશ કરવામાં આવ્યો છે. આ એ જ ગીત છે જે મોદીએ ગાયક ફાલુ સાથે વિશ્વને મોટા અનાજના ફાયદા જણાવવા માટે લખ્યું હતું. આ ગીત ફાલુ એટલે કે ફાલ્ગુની શાહ અને તેના પતિ ગૌરવ શાહે ગાયું છે. ખાસ વાત એ છે કે આ ગીતમાં મોદી પણ જોવા મળી રહ્યા છે.
મોદીના સૂચન પર વર્ષ 2023ને આંતરરાષ્ટ્રીય મિલેટ્સ વર્ષ તરીકે ઉજવવામાં આવી રહ્યું છે. પીએમ મોદી મોટા અનાજને દેશના આહારનો મુખ્ય ભાગ બનાવવા પર સતત ભાર આપી રહ્યા છે. મોદીએ ફાલ્ગુની શાહ અને તેમના પતિ ગૌરવ શાહ સાથે મળીને એક ગીત લખ્યું હતું, જેમાં વિશ્વને મોટા અનાજના ફાયદાઓથી પરિચિત કર્યા છે. એબન્ડન્સ ઇન મિલેટ્સ ગીતને ગ્રેમી એવોર્ડ્સની બેસ્ટ ગ્લોબલ મ્યુઝિક પરફોર્મન્સ કેટેગરીમાં નોમિનેટ કરવામાં આવ્યું છે.
ગીત 16 જૂને રિલીઝ થયું હતું. આ ગીતના રિલીઝ પહેલા ફાલ્ગુની શાહે પોતે કહ્યું હતું કે આ ગીત પીએમ મોદીએ મારા અને મારા પતિ ગૌરવ શાહ સાથે મળીને લખ્યું છે. તેમણે કહ્યું હતું કે આ ગીત આંતરરાષ્ટ્રીય મોટા અનાજ વર્ષ ઉજવવા માટે તૈયાર કરવામાં આવ્યું છે. જેમાં પીએમ મોદી પણ જોવા મળે છે.
